Arrested | മദ്യപിച്ച് സ്ത്രീകളെ ആക്രമിച്ചെന്ന കേസില്‍ കോടതി പിടികിട്ടാപ്പുള്ളിയായി പ്രഖ്യാപിച്ച യുവാവ് പിടിയില്‍

 


ADVERTISEMENT

തിരുവനന്തപുരം: (www.kvartha.com) മദ്യപിച്ച് സ്ത്രീകളെ ആക്രമിച്ചെന്ന കേസില്‍ കോടതി പിടികിട്ടാപ്പുള്ളിയായി പ്രഖ്യാപിച്ച യുവാവ് പിടിയില്‍. വിതുരയിലാണ് കേസിനാസ്പദമായ സംഭവം നടന്നത്. മരുതാമല സ്വദേശി കൊച്ചുകുട്ടന്‍ എന്ന് വിളിക്കുന്ന അജയനെ(38)യാണ് വിതുര പൊലീസ് പിടികൂടിയത്. മദ്യപിച്ച് മക്കി സ്വദേശിനികളായ സ്ത്രീകളെ കയ്യേറ്റം ചെയ്‌തെന്ന കേസിലാണ് ഇയാള്‍ പിടിയിലായിരിക്കുന്നത്.

Arrested | മദ്യപിച്ച് സ്ത്രീകളെ ആക്രമിച്ചെന്ന കേസില്‍ കോടതി പിടികിട്ടാപ്പുള്ളിയായി പ്രഖ്യാപിച്ച യുവാവ് പിടിയില്‍

സംഭവത്തിനു ശേഷം ഒളിവില്‍ പോയ അജയനെ പൊലീസിന് പിടികൂടാന്‍ കഴിയാതെ വന്നതോടെയാണ് 2020ല്‍ ഇയാളെ കോടതി പിടികിട്ടാപ്പുള്ളിയായി പ്രഖ്യാപിച്ചത്. പത്തനംതിട്ട ഉള്‍പ്പെടെ പലയിടങ്ങളിലായി ഒളിവില്‍ കഴിഞ്ഞ അജയന്‍ മലയിന്‍കീഴ് ശാന്തംമൂലയില്‍ ഉള്ളതായുള്ള രഹസ്യ വിവരം പൊലീസിന് ലഭിച്ചിരുന്നു.

തുടര്‍ന്ന് സൈബര്‍ സെലിന്റെ സഹായത്തോടെ നടത്തിയ അന്വേഷണത്തില്‍ അജയനെ പൊലീസ് പിടികൂടുകയായിരുന്നു. വിതുര സിഐ അജയകുമാറിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.

Keywords:  Youth arrested for assaulting women, Thiruvananthapuram, News, Assault, Women, Court, Police, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം. അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന നിയമനടപടികൾ നേരിടേണ്ടിവന്നേക്കാം.
Web Desk Pre
Web Desk Pre

154168 Articles

Tags

Share this story

wellfitindia