Marthandavarma bridge | മരിക്കാന് പോകുന്നുവെന്ന് കാട്ടി വാട്സ് ആപില് സന്ദേശം; 'മാര്താണ്ഡവര്മ പാലത്തില്നിന്ന് യുവാവ് മകളുമായി പുഴയില് ചാടി'
Sep 29, 2022, 14:25 IST
ADVERTISEMENT
ആലുവ: (www.kvartha.com) മാര്താണ്ഡവര്മ പാലത്തില്നിന്ന് യുവാവ് മകളുമായി പുഴയില് ചാടിയെന്ന് പൊലീസ്. ചെങ്ങമനാട് സ്വദേശി ലൈജുവാണ് മകള് ആര്യനന്ദയുമായി മാര്താണ്ഡവര്മ പാലത്തില്നിന്ന് പുഴയിലേക്ക് ചാടിയത്. മരിക്കാന് പോകുന്നുവെന്ന് വാട്സ് ആപില് സന്ദേശം അയച്ച ശേഷമാണ് ലൈജു പുഴയില് ചാടിയത്. വിവരം അറിഞ്ഞ് സ്ഥലത്തെത്തിയ അഗ്നിരക്ഷാസേനയും പൊലീസും ചേര്ന്ന് തിരച്ചില് തുടരുകയാണ്.
വ്യാഴാഴ്ച രാവിലെ 11 മണിയോടെയാണ് സംഭവം. സ്കൂടറിലാണ് ഇരുവരും ആലുവയിലേക്കെത്തിയത്. തുടര്ന്ന് മാര്താണ്ഡവര്മ പാലത്തിന് സമീപം വാഹനം നിര്ത്തി, പാലത്തില് നിന്ന് കുട്ടിയെ പുഴയിലേക്ക് എറിഞ്ഞ ശേഷം ലൈജു ചാടുകയായിരുന്നുവെന്നാണ് ദൃസാക്ഷികള് പറഞ്ഞത്. പ്രദേശവാസികള് ഉടന് തന്നെ വിവരം പൊലീസിനെ അറിയിച്ചു. തുടര്ന്നാണ് പരിശോധനയും തിരിച്ചിലും ആരംഭിച്ചത്.
ലൈജു വീട്ടില് നിന്ന് പുറപ്പെടും മുമ്പുതന്നെ വാര്ഡ് മെമ്പര് അടക്കമുള്ളവര്ക്ക് പുഴയില് ചാടാന് പോകുന്നുവെന്ന് കാട്ടി വാട്സ് ആപില് സന്ദേശം അയച്ചിരുന്നു. വാര്ഡ് മെമ്പര് ഉടന് തന്നെ വിവരം ബന്ധുക്കളെ അറിയിച്ചെങ്കിലും ലൈജുവിനേയും കുട്ടിയേയും കണ്ടെത്താന് സാധിച്ചില്ല. കുടുംബപരമായ പ്രശ്നങ്ങളാണ് സംഭവത്തിന് കാരണം എന്നാണ് പ്രാഥമിക നിഗമനം. എന്നാല് ഇക്കാര്യത്തില് സ്ഥിരീകരണം ഉണ്ടായിട്ടില്ല.
Keywords: Young man jumps into river with daughter from Marthandavarma bridge, Aluva, River, Police, Daughter, Message, Family, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
