കണ്ണൂർ: (KVARTHA) നിടുംപൊയിൽ - കേളകം റോഡിലെ തെറ്റുവഴി സർവീസ് സ്റ്റേഷന് സമീപം കാറും ബൈകും ഓട്ടോയും കൂട്ടിയിടിച്ചുണ്ടായ അപകടത്തിൽ ബൈക് യാത്രക്കാരൻ മരിച്ചു. തെറ്റുവഴി സ്വദേശി മനു ജോസഫ് (23) ആണ് മരിച്ചത്. അപകടത്തിൽ മൂന്ന് പേർക്ക് പരിക്കേറ്റു.

ഞായറാഴ്ച ഉച്ചയ്ക്ക് 12 മണിയോടെയായിരുന്നു അപകടം. നിയന്ത്രണം വിട്ട് ഓവുചാലിലിടിച്ച് മറിഞ്ഞ ബൈക് പൂർണമായി തകർന്നു. അപകടം കണ്ട നാട്ടുകാരാണ് പരിക്കേറ്റവരെ ഉടൻതന്നെ ആശുപത്രിയിലെത്തിച്ചത്. 

എന്നാൽ ഗുരുതരമായി പരിക്കേറ്റ മനു ജോസഫിന്റെ ജീവൻ രക്ഷിക്കാനായില്ല. പരിക്കേറ്റ മൂന്നുപേരെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല. സംഭവത്തിൽ പേരാവൂർ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

A young biker died and three others were injured in a collision involving a car, bike, and auto near Peravoor, Kannur. The accident occurred on the Nidumpoil-Kelakam road. Police are investigating the incident.

#KeralaAccident, #RoadAccident, #KannurNews, #BikeAccident, #FatalAccident, #Peravoor