ലോക മുലയൂട്ടല് വാരാചരണത്തിന്റെ ഭാഗമായി വനിത ശിശുവികസന വകുപ്പ് സംഘടിപ്പിക്കുന്ന കെ എസ് ആര് ടി സി ബസ് ബ്രാന്ഡിംഗ് ഫ്ലാഗ് ഓഫ് ചെയ്തു
Aug 5, 2021, 10:45 IST
ADVERTISEMENT
തിരുവനന്തപുരം: (www.kvartha.com 05.08.2021) ലോക മുലയൂട്ടല് വാരാചരണത്തിന്റെ ഭാഗമായി മുലയൂട്ടലിന്റെ പ്രാധാന്യം സംസ്ഥാനമാകെ പ്രചരിപ്പിക്കുന്നതിന്റെ ഭാഗമായി വനിത ശിശുവികസന വകുപ്പ് സംഘടിപ്പിക്കുന്ന കെ എസ് ആര് ടി സി ബസ് ബ്രാന്ഡിംഗിന്റെ ഫ്ളാഗ് ഓഫ് ചെയ്തു. ആരോഗ്യ വനിത ശിശുവികസന വകുപ്പ് മന്ത്രി വീണാ ജോര്ജാണ് ഫ്ലാഗ് ചെയ്തത്. എല്ലാ ജില്ലകളിലും കെ എസ് ആര് ടി സി ബസ് ബ്രാന്റിംഗ് ചെയ്യുന്നതാണ്.
'മുലയൂട്ടല് പരിരക്ഷണം ഒരു കൂട്ടായ ഉത്തരവാദിത്തം' എന്നാണ് ഈ വര്ഷത്തെ മുലയൂട്ടൽ പ്രചാരണത്തിന്റെ പ്രമേയം. ലോകമുലയൂട്ടല് വാരാചരണത്തിന്റെ നിരവധി പ്രവര്ത്തനങ്ങളാണ് വനിതാ ശിശു വികസന വകുപ്പ് ആസൂത്രണം ചെയ്തിരിക്കുന്നത്.
കുഞ്ഞു ജനിച്ച് ആദ്യ ഒരു മണിക്കുറിനുള്ളില് മുലപ്പാല് നല്കുന്നതിന്റെ പ്രാധാന്യത്തെപ്പറ്റിയും 6 മാസം വരെ മുലപ്പാല് മാത്രം നല്കുന്നതിനെപ്പറ്റിയും തുടര്ന്ന് മറ്റു പോഷകാഹാരത്തോടൊപ്പം മുലപ്പാല് നല്കുന്നതിന്റെ ആവശ്യകതയെപ്പറ്റിയും അങ്കണവാടി പ്രവര്ത്തകര് മുഖേന കേരളമൊട്ടാകെ ബോധവല്കരണ പരിപാടികള് സംഘടിപ്പിച്ചിട്ടുണ്ട്.
'മുലയൂട്ടല് പരിരക്ഷണം ഒരു കൂട്ടായ ഉത്തരവാദിത്തം' എന്നാണ് ഈ വര്ഷത്തെ മുലയൂട്ടൽ പ്രചാരണത്തിന്റെ പ്രമേയം. ലോകമുലയൂട്ടല് വാരാചരണത്തിന്റെ നിരവധി പ്രവര്ത്തനങ്ങളാണ് വനിതാ ശിശു വികസന വകുപ്പ് ആസൂത്രണം ചെയ്തിരിക്കുന്നത്.
കുഞ്ഞു ജനിച്ച് ആദ്യ ഒരു മണിക്കുറിനുള്ളില് മുലപ്പാല് നല്കുന്നതിന്റെ പ്രാധാന്യത്തെപ്പറ്റിയും 6 മാസം വരെ മുലപ്പാല് മാത്രം നല്കുന്നതിനെപ്പറ്റിയും തുടര്ന്ന് മറ്റു പോഷകാഹാരത്തോടൊപ്പം മുലപ്പാല് നല്കുന്നതിന്റെ ആവശ്യകതയെപ്പറ്റിയും അങ്കണവാടി പ്രവര്ത്തകര് മുഖേന കേരളമൊട്ടാകെ ബോധവല്കരണ പരിപാടികള് സംഘടിപ്പിച്ചിട്ടുണ്ട്.
അങ്കണവാടി തൊഴിലാളികൾ വഴി സാമൂഹികാധിഷ്ഠിത പരിപാടികള്, ഓണ്ലൈന്, വാട്സാപ്, ടെലി കോണ്ഫറന്സ് കോള് മുഖേനയുള്ള ലൊകേഷന് കൗണ്സിലിംഗ്, ഗര്ഭിണികള്ക്ക് കോവിഡ് വാക്സിനേഷന് എടുക്കുന്നതിന്റെ ആവശ്യകതയെപ്പറ്റിയുള്ള ബോധവല്കരണ പരിപാടികള് എന്നിവയും സംഘടിപ്പിച്ചു വരുന്നു.
4 ലക്ഷം വരുന്ന ഗുണഭോക്താക്കളിലെങ്കിലും ഈ സന്ദേശങ്ങള് എത്തിക്കാനാണ് ലക്ഷ്യം. കൂടാതെ 158 ന്യൂട്രീഷ്യന് ക്ലിനികുകള് വഴി ന്യൂട്രീഷ്യനിസ്റ്റിന്റേയും ശിശുരോഗ വിദഗ്ധന്റേയും കണ്സള്ടേഷനും ടെലി കൗണ്സിലിംഗും സംഘടിപ്പിച്ചു വരുന്നു.
Keywords: News, Thiruvananthapuram, KSRTC, Kerala, State, Mother, World Breastfeeding Week, Breastfeeding, World Breastfeeding Week; KSRTC bus branding flagged off.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
