Arrested | ആക്രി ശേഖരിക്കുന്നതിനിടെ റെയില്‍വേ കേബിള്‍ മുറിച്ചു കടത്താന്‍ ശ്രമിച്ചതായി പരാതി; തമിഴ്‌നാട് സ്വദേശിയായ സ്ത്രീ അറസ്റ്റില്‍
Jun 16, 2023, 18:22 IST
ADVERTISEMENT
കണ്ണൂര്‍: (www.kvartha.com) തലശ്ശേരി റെയില്‍വേ സ്റ്റേഷന് സമീപം സിഗ്നല് കേബിള്‍ മുറിച്ചു നീക്കാന്‍ ശ്രമിച്ചെന്ന പരാതിയില്‍ യുവതി പിടിയില്‍. തമിഴ്‌നാട് വില്ലുപുരം സ്വദേശിനിയായ ചിന്ന പൊന്നുവാണ് അറസ്റ്റിലായത്. ആക്രി ശേഖരിക്കുന്നതിനിടെയാണ് കേബിള്‍ മുറിച്ച് കടത്താന്‍ ശ്രമിച്ചതെന്നാണ് വിവരം.
ഇന്‍സുലേഷന്‍ ഭാഗം മുറിച്ചപ്പോള്‍ ചെറുതായിട്ട് വൈദ്യുതാഘാതമേറ്റതോടെ യുവതി ശ്രമം ഉപേക്ഷിക്കുകയായിരുന്നു. തുടര്‍ന്ന് സിഗ്നല് സംവിധാനത്തില്‍ പ്രശ്നങ്ങള്‍ ശ്രദ്ധയില്‍പെട്ട ഉടന്‍ പരിശോധന നടത്തിയതോടെയാണ് വിവരം അറിയുന്നത്. ചൊവ്വാഴ്ച ഉച്ചയോടെയായിരുന്നു സംഭവം.
പിന്നീട് നടത്തിയ അന്വേഷണത്തിലാണ് മോഷണശ്രമം പുറത്തറിയുന്നത്. മോഷ്ടിച്ച് വില്‍പന നടത്തുകയായിരുന്നു ഉദ്ദേശമെന്നാണ് കണ്ടത്തല്‍. സിഗ്നല് മെയിന്റനന്‍സ് വിഭാഗം ഉദ്യോഗസ്ഥര്‍ കേബിളിലെ തകരാറുകള്‍ പരിഹരിച്ചു. യുവതിക്കൊപ്പം സഹായത്തിനായി ഉണ്ടായിരുന്ന ചിന്നസേലം സ്വദേശിക്കായി പൊലീസ് അന്വേഷണം ഊര്‍ജിതമാക്കി.
Keywords: News, Kerala, Kerala-News, News-Malayalam, Woman, Rob, Railway Cable, Arrested, Accused, Kannur, Woman tries to rob railway cable, arrested.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
