ഭര്‍ത്താവിനേയും കുഞ്ഞിനേയും ഉപേക്ഷിച്ച് ഫേസ്ബുക്കിലൂടെ പരിചയപ്പെട്ടയാള്‍ക്കൊപ്പം ഒളിച്ചോടി; ഒരുവര്‍ഷത്തിനുശേഷം യുവതി പൊള്ളലേറ്റ് മരിച്ചനിലയില്‍

കുണ്ടറ: (www.kvartha.com 21.07.2017) ഭര്‍ത്താവിനേയും കുഞ്ഞിനേയും ഉപേക്ഷിച്ച് ഫേസ്ബുക്കിലൂടെ പരിചയപ്പെട്ടയാള്‍ക്കൊപ്പം ഒളിച്ചോടിയ യുവതിയെ ഒരുവര്‍ഷത്തിനുശേഷം പൊള്ളലേറ്റ് മരിച്ചനിലയില്‍ കണ്ടെത്തി. തേവലക്കര പടിഞ്ഞാറ്റിന്‍കര അനില ഭവനില്‍ അനില (27) ആണ് മരിച്ചത്.

ഭര്‍ത്താവിനെയും കുഞ്ഞിനെയും ഉപേക്ഷിച്ച് അനില പേരയം ഷീബാ കോട്ടേജില്‍ ജൂബിന്റെ (42) വീട്ടില്‍ അയാള്‍ക്കൊപ്പം താമസിച്ചുവരികയായിരുന്നു. കഴിഞ്ഞദിവസം ഉച്ചയോടെയാണ് അനിലയെ പൊള്ളലേറ്റ് മരിച്ചനിലയില്‍ കണ്ടത്.


സംഭവം നടക്കുമ്പോള്‍ വീട്ടില്‍ മറ്റാരുമുണ്ടായിരുന്നില്ല. കരച്ചില്‍കേട്ട് നാട്ടുകാരാണ് കതക് ചവുട്ടിപ്പൊളിച്ച് അകത്തുകടന്നത്. അപ്പോഴേക്കും മൃതദേഹം കത്തിക്കരിഞ്ഞനിലയിലായിരുന്നു.

വിദേശത്ത് ജോലിയുള്ള മൈനാഗപ്പള്ളി സ്വദേശി മനോജിനെ ഏഴു വര്‍ഷം മുന്‍പാണ് അനില വിവാഹം കഴിച്ചത്. പിന്നീട് ഫേസ്ബുക്ക് വഴി ജൂബിനെ പരിചയപ്പെടുകയും പ്രണയത്തിലാകുകയും ചെയ്തു. അതിനുശേഷം ഒരു വര്‍ഷം മുമ്പ് അനില ജൂബിന്റെ വീട്ടില്‍ എത്തി അയാള്‍ക്കൊപ്പം താമസിച്ചുവരികയായിരുന്നു. ഇതിന്റെ പേരില്‍ ശാസ്താംകോട്ട പോലീസിലും കുടുംബകോടതിയിലും കേസ് നിലനില്‍ക്കുന്നുണ്ട്. അതേസമയം അനില രണ്ടുമാസം ഗര്‍ഭിണിയായിരുന്നെന്നും പറയുന്നു.

കടയില്‍ കയറി വ്യാപാരിയെ കുത്തിപ്പരിക്കേല്‍പിച്ച കേസില്‍ ഒരു പ്രതി കൂടി അറസ്റ്റില്‍