● രണ്ട് ദിവസത്തോളം പഴക്കമുള്ള ജഡമാണ് തവരഞ്ഞാൽ മേഖലയിൽ കണ്ടെത്തിയത്.
● വനപാലകരും പോലീസും ജനപ്രതിനിധികളും സ്ഥലത്തെത്തി പരിശോധന നടത്തി.
● പോസ്റ്റ്‌മോർട്ടത്തിന് ശേഷം ജഡം മറവ് ചെയ്യുമെന്ന് വനംവകുപ്പ് അറിയിച്ചു.
● ജനവാസ കേന്ദ്രത്തിലിറങ്ങിയ കാട്ടാന ദുരൂഹ സാഹചര്യത്തിൽ ചരിഞ്ഞത് ആശങ്കയുണ്ടാക്കി.
കണ്ണൂർ: (KVARTHA) ആറളം ഫാമിലെ ജനവാസ കേന്ദ്രത്തിലിറങ്ങിയ കാട്ടാനയെ ചരിഞ്ഞ നിലയിൽ കണ്ടെത്തി. ഫാമിലെ 12-ാം ബ്ലോക്കിലുള്ള തവരഞ്ഞാൽ മേഖലയിലാണ് ഏകദേശം രണ്ട് ദിവസത്തോളം പഴക്കമുള്ള കാട്ടുകൊമ്പന്റെ ജഡം വ്യാഴാഴ്ച രാവിലെ കണ്ടെത്തിയത്. വിവരമറിഞ്ഞ് വനപാലകരും പോലീസും ജനപ്രതിനിധികളും സ്ഥലത്തെത്തി പരിശോധന നടത്തി.
പോസ്റ്റ്‌മോർട്ടം നടപടികൾക്ക് ശേഷം ജഡം മറവ് ചെയ്യുമെന്ന് വനംവകുപ്പ് അധികൃതർ അറിയിച്ചു. ആനയുടെ മരണകാരണം പോസ്റ്റ്‌മോർട്ടം റിപ്പോർട്ട് ലഭിച്ചതിന് ശേഷമേ വ്യക്തമാകൂ എന്നും അവർ കൂട്ടിച്ചേർത്തു. ജനവാസ കേന്ദ്രത്തിലിറങ്ങിയ കാട്ടാന ദുരൂഹ സാഹചര്യത്തിൽ ചരിഞ്ഞത് ആശങ്ക ഉയർത്തിയിട്ടുണ്ട്.
ആറളം ഫാമിൽ കഴിഞ്ഞ കുറച്ച് ദിവസങ്ങളായി കാട്ടാന ശല്യം അതിരൂക്ഷമാണ്. പത്താം ബ്ലോക്കിലെ നിരവധി വീടുകളാണ് കാട്ടാനക്കൂട്ടം തകർത്തത്. മഴക്കാലത്ത് ചക്ക തിന്നാനായാണ് കാട്ടാനകൾ ഫാമിലേക്ക് ഇറങ്ങുന്നതെന്നാണ് വനംവകുപ്പ് ഉദ്യോഗസ്ഥർ പറയുന്നത്.
ഈ വാർത്ത നിങ്ങളുടെ സുഹൃത്തുക്കളുമായി പങ്കിടുക. അഭിപ്രായങ്ങൾ കമന്റ് ചെയ്യുക.
Article Summary: Wild elephant found dead in Aralam Farm residential area.
#WildElephant #AralamFarm #KeralaNews #ElephantDeath #Wildlife #Kannur
