സൂ­ര്യ­നെല്ലി പെണ്‍­കു­ട്ടി­യെ വി.എ­സ്.സ­ന്ദര്‍ശിച്ചു

കോ­ട്ടയം: പ്രതിപക്ഷനേതാവ് വി.എസ് അച്യുതാനന്ദന്‍ സൂര്യനെല്ലി പെണ്‍കുട്ടിയുടെ വീട്ടില്‍ സന്ദര്‍ശനം നടത്തി. ശ­നി­യാഴ്ച ഉച്ചയ്ക്ക് ഒരു മണിയോ­ടു കൂടി വീട്ടിലെത്തിയ അദ്ദേഹം അരമണിക്കൂറോളം പെണ്‍കുട്ടിക്കും മാതാപിതാക്കള്‍ക്കുമൊപ്പം ചെല­വ­ഴി­ക്കു­ക­യു­ണ്ടായി.

പെണ്‍കുട്ടിയു­ടെ പി­താ­വ് നേ­ത്ര ശ­സ്­ത്ര­ക്രി­യ ക­ഴി­ഞ്ഞ് വിശ്രമി­ക്കുന്ന­തി­നാല്‍ സുഖവിവരങ്ങള്‍ അന്വേഷിക്കാ­നായി വ­ന്ന­താണെ­ന്ന് വി.എസ് മാധ്യമപ്രവര്‍ത്തകരോടു പറഞ്ഞു. സൂര്യനെല്ലിക്കേസില്‍ ആവശ്യമെങ്കില്‍ പെണ്‍കുട്ടിയുടെ കുടുംബത്തെ സഹായിക്കുമെന്നും പ്രതിപക്ഷ നേതാവ് വ്യക്തമാക്കി.

പെണ്‍കുട്ടിക്ക് എല്ലാ നിയമസഹായങ്ങളും വാഗ്ദാനം ചെ­യ്­തി­ട്ടു­ണ്ടെന്നു വി.എസിനൊപ്പമുണ്ടായിരുന്ന സി.പി.എം പ്രാദേശിക നേതാക്കള്‍ പ­റഞ്ഞു. എ­ന്നാല്‍ കേസിന്റെ വിവരങ്ങളൊന്നും വി.എസ്. സംസാരി­ച്ചിട്ടി­ല്ലെ­ന്നാണ് പെണ്‍കുട്ടിയുടെ പിതാവ് പ­റഞ്ഞത്. വി.എസിന്റെ സ­ന്ദര്‍ശനം വളരെയധികം ആശ്വാസക­ര­മായെന്നും തന്റെയും കുടുംബത്തിന്റെയും വി­വ­ര­ങ്ങള്‍ അ­ന്വേ­ഷി­ക്കാന്‍ വി.എസ് എത്തിയതില്‍ സന്തോഷമുണ്ടെന്നും പെണ്‍­കു­ട്ടി­യുടെ പിതാ­വ് കൂ­ട്ടി­ച്ചേര്‍ത്തു.