ലോക്ഡൗൺ നിയന്ത്രണം ലംഘിച്ച് രഹസ്യമായി വസ്ത്ര വ്യാപാരം നടത്തി: രണ്ട് തുണിക്കടകൾക്കെതിരെ കേസ്
May 12, 2021, 11:27 IST
ADVERTISEMENT
നാദാപുരം: (www.kvartha.com 12.05.2021) ലോക്ഡൗൺ നിയന്ത്രണം ലംഘിച്ച് രഹസ്യമായി വസ്ത്ര വ്യാപാരം നടത്തിയതിനു രണ്ടു തുണിക്കടകൾക്കെതിരെ പൊലീസ് കേസെടുത്തു. കല്ലാച്ചി സംസ്ഥാന പാതയിലെ ഹാപി വെഡിങ്, നാദാപുരം മസാക്കിൻ മാളിലെ ഈറ എന്നിവിടങ്ങളിലാണു പൊലീസ് പരിശോധന നടത്തിയത്. ഹാപി വെഡിങ്ങിൽ പരിശോധന നടത്തുമ്പോൾ ഒട്ടേറെ ഉപയോക്താക്കൾ ഉണ്ടായിരുന്നു.
കടയിലുണ്ടായിരുന്നവർ ഇവരെ മുറിയിലാക്കി വാതിലടച്ചെങ്കിലും പൊലീസ് കണ്ടെത്തി എല്ലാവർക്കുമെതിരെ കേസെടുക്കുകയായിരുന്നു. പൊലീസ് 32, 000 രൂപ പിഴ ചുമത്തി. ലൈസൻസ് റദ്ദാക്കാൻ പഞ്ചായത്ത് അധികൃതർക്ക് നോടീസ് നൽകി. 10 പേർക്കെതിരെയാണ് കേസ്. കടയിലെത്തിയവർക്കെതിരെയും നടപടിയുണ്ടാകും.
നാദാപുരത്ത് ഈറ തുണിക്കടയിൽ പരിശോധന നടത്തി ആറ് പേർക്കെതിരെയാണ് കേസെടുത്തത്. മുൻ ഭാഗത്തെ ഷടറുകൾ താഴ്ത്തി കടയ്ക്കുള്ളിലേക്ക് മാളിന്റെ പിന്നിലൂടെ പ്രവേശനം നൽകുകയായിരുന്നു.
Keywords: News, Kozhikode, Nadapuram, Kerala, State, Top-Headlines, COVID-19, Dress, Shop, Police, Case, Violated lockdown control and secretly traded clothing: Case against clothing stores.
< !- START disable copy paste -->
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.

