Court Order | കായല് കയ്യേറി വീട് വച്ചെന്ന പരാതിയില് എംജി ശ്രീകുമാറിനെതിരെ കേസെടുക്കാന് വിജിലന്സ് കോടതി ഉത്തരവ്
Dec 2, 2022, 16:57 IST
കൊച്ചി: (www.kvartha.com) കായല് കയ്യേറി വീട് വച്ചെന്ന പരാതിയില് ഗായകന് എംജി ശ്രീകുമാറിനെതിരെ കേസെടുക്കാന് ഉത്തരവ്. മൂവാറ്റുപുഴ വിജിലന്സ് കോടതിയുടേയതാണ് നടപടി. അഴിമതി നിരോധന നിയമ പ്രകാരം എംജി ശ്രീകുമാറിനെതിരെ എഫ്ഐആര് രെജിസ്റ്റര് ചെയ്ത് കേസെടുക്കാന് മൂവാറ്റുപുഴ വിജിലന്സ് കോടതി ഉത്തരവിടുകയായിരുന്നു.
തീരദേശ പരിപാലന നിയമം ലംഘിച്ച് എം ജി ശ്രീകുമാര് വീടുവച്ചോയെന്ന് അന്വേഷിക്കാനാണ് കോടതി ഉത്തരവിട്ടിട്ടുള്ളത്. മുളവുകാട് ഗ്രാമപഞ്ചായതിലെ ബോള്ഗാട്ടി പാലസിന് സമീപമുള്ള ബോട് ജെട്ടിക്കടുത്താണ് എംജി ശ്രീകുമാര് 11.5 സെന്റ് സ്ഥലത്ത് വീട് വച്ചത്. ഇത് കായല് കയ്യേറിയാണെന്നാണ് ആരോപണം.
പൊതുപ്രവര്ത്തകന് ഗിരീഷ് ബാബുവാണ് ഹര്ജി നല്കിയത്. നിയമ വിരുദ്ധമായി കെട്ടിടം നിര്മിക്കാന് മുളവുകാട് പഞ്ചായത് അസി. എന്ജിനീയര് അനുമതി നല്കിയെന്നും പഞ്ചായത് സെക്രടറി ഇതിനെതിരെ നടപടിയെടുത്തില്ലെന്നും ഹര്ജിയില് ചൂണ്ടിക്കാണിച്ചിരുന്നു. അന്വേഷണത്തിന്റെ ഭാഗമായി നേരത്തേ, എം ജി ശ്രീകുമാറിന്റെ മൊഴി വിജിലന്സ് രേഖപ്പെടുത്തിയിരുന്നു.
Keywords: News,Kerala,State,Kochi,Singer,Case,Court,Corruption,Top-Headlines, Vigilance court orders investigation against MG Sreekumar
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
