Arrested | വളപട്ടണത്ത് ഓടോറിക്ഷയില്‍ എംഡിഎംഎ കടത്തുന്നതിനിടെ രണ്ട് പേര്‍ അറസ്റ്റില്‍

 


ADVERTISEMENT

കണ്ണൂര്‍: (KVARTHA) വളപട്ടണത്ത് അതിമാരക മയക്കുമരുന്നായ എംഡിഎംഎ ഓടോറിക്ഷയില്‍ കടത്തുന്നതിനിടെ രണ്ടുയുവാക്കളെ പൊലീസ് അറസ്റ്റു ചെയ്തു. ഇതില്‍ ഒരാള്‍ ഓടി രക്ഷപ്പെട്ടു. വ്യാഴാഴ്ച പുലര്‍ചെയാണ് കണ്ണൂര്‍ സിറ്റി നാര്‍കോടിക്ക് സെല്‍ അസി. കമിഷണര്‍ സുനില്‍ കുമാറിന്റെ നേതൃത്വത്തിലുള്ള ജില്ലാ ലഹരിവിരുദ്ധ സ്‌ക്വാഡും വളപട്ടണം പൊലീസും നടത്തിയ വാഹനപരിശോധനയ്ക്കിടെ 4.9 ഗ്രാം എംഡിഎംഎയുമായി ഓടോറിക്ഷയില്‍ സഞ്ചരിക്കവെ വാഹന പരിശോധനയില്‍ പ്രതികള്‍ പിടിയിലായത്.

Arrested | വളപട്ടണത്ത് ഓടോറിക്ഷയില്‍ എംഡിഎംഎ കടത്തുന്നതിനിടെ രണ്ട് പേര്‍ അറസ്റ്റില്‍
 

അഴിക്കോട് പൊലീസ് സ്റ്റേഷന്‍ പരിധിയിലെ ശാക്കിര്‍ (35), ദീപേഷ് (52) എന്നിവരാണ് അറസ്റ്റിലായത്. പ്രതികളോടൊപ്പമുണ്ടായിരുന്ന മുഖ്യ ആസൂത്രകന്‍ കൊച്ചുണ്ണിയെന്നു വിളിക്കുന്ന സജീര്‍ ഓടി രക്ഷപ്പെട്ടതായി പൊലീസ് പറഞ്ഞു. നിരവധി മയക്കുമരുന്ന് കേസുകളില്‍ പ്രതിയാണ് സജീര്‍ എന്നും ഓടോറിക്ഷ വാടകയ്‌ക്കെടുത്ത് ശാക്കിറിനെ ഡ്രൈവറായി ഉപയോഗിച്ച് കണ്ണൂര്‍ ജില്ലയുടെ വിവിധ ഭാഗങ്ങളില്‍ മയക്കുമരുന്ന് ആവശ്യക്കാര്‍ക്ക് എത്തിച്ചു നല്‍കുന്നത് ഇയാളാണെന്നും പൊലീസ് പറഞ്ഞു.

Arrested | വളപട്ടണത്ത് ഓടോറിക്ഷയില്‍ എംഡിഎംഎ കടത്തുന്നതിനിടെ രണ്ട് പേര്‍ അറസ്റ്റില്‍
 
ഇയാളെയും സംഘത്തെയും കുറിച്ചു രഹസ്യവിവരം ലഭിച്ചതിനാല്‍ കഴിഞ്ഞ രണ്ടു മാസമായി പൊലീസ് നിരീക്ഷിച്ചു വരികയായിരുന്നു. അന്വേഷണ സംഘത്തില്‍ വളപട്ടണം എസ് ഐ നിഥിന്‍, ഡാന്‍സെഫ് എസ് ഐ മഹിജന്‍, സീനിയര്‍ സിവില്‍ പൊലീസ് ഓഫിസര്‍മാരായ അജിത്, ശ്രീജേഷ്, ബിനു, രാഹുല്‍, അനൂപ്, അബ്ദുല്‍ നിശാദ്, സതീശന്‍ സനോജ് പ്രബീഷ് എന്നിവരുമുണ്ടായിരുന്നു. പ്രതികള്‍ക്കെതിരെ എന്‍ഡിപിഎസ് ആക്ടുപ്രകാരം കേസെടുത്ത് വടകര കോടതിയില്‍ ഹാജരാക്കി റിമാന്‍ഡ് ചെയ്തു.

Keywords: Valapattnam: Two persons arrested while smuggling MDMA in an auto-rickshaw, Kannur, News, Arrested, Smuggling, MDMA, Police, Secret Message, Court, Remand, Kerala. 
Aster_MIMS
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം. അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന നിയമനടപടികൾ നേരിടേണ്ടിവന്നേക്കാം.

Tags

Share this story

wellfitindia