യുവാവിനെ തട്ടിക്കൊണ്ടുപോയി മർദിച്ചെന്ന കേസിൽ ഒളിവിൽ കഴിയുകയായിരുന്ന പ്രതി ഉൾപെടെ രണ്ട് പേർ മയക്കുമരുന്നുമായി പിടിയിൽ

അറസ്റ്റിലായവരിൽ നിന്നും 220 മിലി ഗ്രാം എം ഡി എം എ മയക്കുമരുന്നും ഇത് ഉപയോഗിക്കുന്ന പൈപും സിഗർ ലാമ്പുമാണ് കണ്ടെടുത്തത്. വ്യാജ ഇൻഷൂറൻസ് സെർടിഫികറ്റ് നിർമാണവുമായി ബന്ധപ്പെട്ട അന്വേഷണത്തിനിടയിലാണ് ഇവർ പൊലീസ് പിടിയിലായത്. ഇരുവരും നിരീക്ഷണത്തിലായിരുന്നുവെന്നും, ബുധനാഴ്ച സൈബർ സെലിന്റെ സഹായത്തോടെ ഇവരുടെ മൊബൈൽ ഫോൺ പരിശോധിച്ചപ്പോൾ കാഞ്ഞങ്ങാട് ടവർ പരിധിക്ക് കീഴിലുണ്ടെന്ന് മനസിലായിരുന്നുവെന്നും പൊലീസ് പറഞ്ഞു.

തുടർന്നുള്ള നിരീക്ഷണത്തിൽ ഇവർ പയ്യന്നൂർ ഭാഗത്തേക്ക് സഞ്ചരിക്കുന്നതായി സൂചന ലഭിച്ചതിനാൽ പെരുമ്പ, ഒളവറ പാലം, കാര- തലിച്ചാലം പാലം എന്നിവിടങ്ങളിൽ പൊലീസിനെ നിയോഗിച്ച് വാഹനപരിശോധന നടത്തുന്നതിനിടയിലാണ് ഇവർ പിടിയിലായത്. തുടർന്ന് ഇവരുടെ കാർ പരിശോധിച്ചപ്പോഴാണ് ലഹരി മരുന്ന് കണ്ടെത്തിയതെന്ന് പൊലീസ് വ്യക്തമാക്കി.

ഇരുവരും ഉപയോഗിച്ച കാറിന്റെ ഇൻഷൂറൻസ് സെർടിഫികറ്റ് ഉൾപെടെ എല്ലാ രേഖകളും വ്യാജമാണെന്ന് കണ്ടെത്തിയെന്നും മയക്കുമരുന്ന് കേസിന് പുറമെ വ്യാജ സെർടിഫികറ്റ് നിർമാണവുമായി ബന്ധപ്പെട്ട കേസും ചാർജ് ചെയ്യുമെന്ന് പയ്യന്നൂർ ഡിവൈഎസ്പി പറഞ്ഞു. 45 ഓളം പേർക്ക് ഇവർ വ്യാജ ഇൻഷൂറൻസ് രേഖ ഉണ്ടാക്കി കൊടുത്തതായി തെളിഞ്ഞിട്ടുണ്ടെന്നും അദ്ദേഹം കൂട്ടിച്ചേർത്തു. < !- START disable copy paste --