Custody | ഇടുക്കിയില്‍ ആദിവാസി യുവാവിനെ മര്‍ദിച്ചെന്ന കേസ്; യുവാവ് പൊലീസ് പിടിയില്‍
Feb 24, 2023, 17:45 IST
ഇടുക്കി: (www.kvartha.com) ആദിവാസി യുവാവിനെ മര്‍ദിച്ചെന്ന കേസില്‍ യുവാവ് പൊലീസ് പിടിയില്‍. അടിമാലി സ്വദേശി ജസ്റ്റിനാണ് പിടിയിലായത്. വിഷയത്തില്‍ എസ് സി -എസ് ടി കമീഷന്‍ റിപോര്‍ട് തേടിയതിന് പിന്നാലെ പൊലീസ് വ്യാഴാഴ്ച കേസെടുത്തിരുന്നു.
സംഭവത്തെ കുറിച്ച് പൊലീസ് പറയുന്നത്: മര്‍ദനമേറ്റ കഞ്ഞിക്കുഴി സ്വദേശി വിനീതിനെ വ്യാഴാഴ്ച രാത്രി സ്റ്റേഷനില്‍ വിളിച്ചുവരുത്തി പൊലീസ് മൊഴിയെടുത്തിരുന്നു. അടിമാലി സ്വദേശി ജസ്റ്റിനും, കണ്ടാല്‍ അറിയാവുന്ന താടിവെച്ച മറ്റൊരാളും ചേര്‍ന്ന് ക്രൂരമായി മര്‍ദിച്ചുവെന്നാണ് മൊഴി. ഇതിന് പിന്നാലെയാണ് എസ് സി -എസ് ടി പീഡന നിരോധന നിയമപ്രകാരം അടിമാലി പൊലീസ് കേസെടുത്തത്.
ഉത്സവം അലങ്കോലപ്പെടുത്തിയെന്ന കേസില്‍ റിമാന്‍ഡില്‍ കഴിഞ്ഞിരുന്ന ജസ്റ്റിന്‍ വ്യാഴാഴ്ച ജാമ്യത്തില്‍ ഇറങ്ങിയിരുന്നു. പ്രതികളില്‍ ഒരാളായ ജസ്റ്റിനെ രാവിലെ ഇയാളുടെ വീട്ടില്‍ നിന്നാണ് പൊലീസ് പിടികൂടിയത്. മൊഴിയിലുള്ള കണ്ടാലറിയാവുന്ന രണ്ടാമത്തെയാള്‍ അടിമാലി സ്വദേശി സഞ്ജുവാണെന്ന് പൊലീസ് തിരിച്ചറിഞ്ഞിട്ടുണ്ട്.
ആദിവാസി യുവാവിനെ മര്‍ദിച്ച മറ്റൊരു പ്രതിയായ സഞ്ജു ഒളിവിലാണ്. ഒളിവിലുള്ള ഇയാള്‍ക്കായി പൊലീസ് അന്വേഷണം ഊര്‍ജിതമാക്കി. ഇടുക്കി ഡിവൈഎസ്പിക്കാണ് അന്വേഷണ ചുമതല.
Keywords: News,Kerala,State,Idukki,Case,Assault,Complaint,Police,Youth,Custody,Tribal, Tribal youth assaulted in Idukki; Accused in custody
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
