Buffer Zone Protest | 'ബഫര് സോണ് പ്രഖ്യാപിച്ച സുപ്രീം കോടതി തീരുമാനം ഭരണഘടനാവിരുദ്ധം'; 30 ന് ആറളം ഫാമില് ആദിവാസി പ്രതിഷേധ സംഗമം
Jul 13, 2022, 13:57 IST
ADVERTISEMENT
കണ്ണൂര്: (www.kvartha.com) സുപ്രീംകോടതിയുടെ ബഫര് സോണ് തീരുമാനവും വനാവകാശ നിയമം ദുര്ബലപ്പെടുത്തുന്ന കേന്ദ്ര സര്കാര് തീരുമാനവും ആദിവാസി വിരുദ്ധമാണെന്ന് ആദിവാസി ഗോത്രമഹാസഭ സംസ്ഥാന കോഡിനേറ്റര് എം ഗീതാനന്ദന് വാര്ത്താ സമ്മേളനത്തില് പറഞ്ഞു.
വന്യ ജീവി സങ്കേതങ്ങള്ക്കും ദേശീയ പാര്കുകള്ക്കും ചുറ്റും പരിസ്ഥിതി ദുര്ബല പ്രദേശമെന്ന നിലയില് ഒരു കിലോമീറ്റര് ബഫര് സോണ് പ്രഖ്യാപിച്ച സുപ്രീം കോടതി തീരുമാനം ഭരണഘടനാവിരുദ്ധമാണ്. ഭരണഘടനയില് പറഞ്ഞിരിക്കുന്ന ആദിവാസി ഗ്രാമസഭ അധികാരം തുടങ്ങിയവയെല്ലാം കോടതി ഉത്തരവിലൂടെ ലംഘിക്കപ്പെട്ടിരിക്കയാണെന്ന് അദ്ദേഹം പറഞ്ഞു.
സുപ്രീംകോടതി തീരുമാനം കേന്ദ്ര-സംസ്ഥാന സര്കാരുകള് നിയമനിര്മാണം നടത്താനും വനാവകാശ നിയമം കോര്പറേറ്റുകള്ക്ക് വേണ്ടി ദുര്ബലപ്പെടുത്തിയ നടപടി റദ്ദാക്കാനും കേന്ദ്ര-സംസ്ഥാന സര്കാരുകള് തയ്യാറാവണമെന്നും ഗീതാനന്ദന് ആവശ്യപ്പെട്ടു.
ഈ ആവശ്യങ്ങളുന്നയിച്ച് ജൂലൈ 30ന് രണ്ടിന് മണിക്ക് ആറളം ഫാമില് പ്രതിഷേ സംഗമം നടത്താന് തീരുമാനിച്ചതായും അദ്ദേഹം അറിയിച്ചു. എഡിഎംഎസ് പ്രസിഡന്റ് ശ്രീരാമന് കൊയ്യോന്, പനയന് കുഞ്ഞിരാമന്, ഗോത്ര ജനസഭ പ്രസിഡന്റ് പി കെ കരുണാകരന് എന്നിവരും വാര്ത്താ സമ്മേളനത്തില് പങ്കെടുത്തു.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
