വടകര: (KVARTHA) ഓർമകളിലെ നൊമ്പരങ്ങളെ സാക്ഷി നിർത്തി, കൊല്ലപ്പെട്ട ടി പി ചന്ദ്രശേഖരന്റെയും കെ കെ രമ എംഎൽഎയുടെയും മകൻ അഭിനന്ദ് വിവാഹിതനായി. അത്താഫി ഓഡിറ്റോറിയത്തിൽ നടന്ന ചടങ്ങിൽ കോഴിക്കോട് ചാത്തമംഗലം സ്വദേശി റിയ ഹരീന്ദ്രനാണ് അഭിനന്ദിന്റെ ജീവിത പങ്കാളിയായത്. രാഷ്ട്രീയ, സാമൂഹിക, സാംസ്കാരിക രംഗത്തെ പ്രമുഖ വ്യക്തിത്വങ്ങളുടെ സാന്നിധ്യം ശ്രദ്ധേയമായി. 

2012 മെയ് നാലിന് കേരളത്തിന്റെ മനസാക്ഷിയെ ഞെട്ടിച്ച ടി പി ചന്ദ്രശേഖരന്റെ കൊലപാതകം നടക്കുമ്പോൾ വെറും 17 വയസായിരുന്നു അഭിനന്ദിന്. അച്ഛന്റെ വേർപാടിന്റെ വേദനയിലും പ്രതിസന്ധികളെ അതിജീവിച്ച് ജീവിതത്തിന്റെ പുതിയൊരു അധ്യായത്തിലേക്ക് കടക്കുന്ന അഭിനന്ദിന് ആശംസകളുമായി നിരവധി പേരാണ് എത്തിയത്. കെ കെ രമയും കുടുംബാംഗങ്ങളും അതിഥികളെ നിറഞ്ഞ സ്നേഹത്തോടെ സ്വീകരിച്ചു. 

രാഷ്ട്രീയ രംഗത്തെ പ്രമുഖ നേതാക്കളുടെ വലിയ നിര തന്നെ ചടങ്ങിൽ പങ്കെടുത്തു. സ്പീക്കർ എ എൻ ഷംസീർ, മുൻ മന്ത്രിയും സിപിഐ നേതാവുമായ ഇ ചന്ദ്രശേഖരൻ, കോൺഗ്രസ് നേതാക്കളായ വി ഡി സതീശൻ, മുല്ലപ്പള്ളി രാമചന്ദ്രൻ, കെ മുരളീധരൻ, ഷാഫി പറമ്പിൽ, വി ടി ബൽറാം, രാഹുൽ മാങ്കൂട്ടത്തിൽ, മുസ്ലിം ലീഗ് നേതാവ് പി കെ കുഞ്ഞാലിക്കുട്ടി തുടങ്ങിയ പ്രമുഖർ ചടങ്ങിൽ പങ്കെടുത്തു.

ഈ വാർത്ത നിങ്ങളുടെ സുഹൃത്തുക്കൾക്ക് പങ്കുവെച്ച് അഭിപ്രായങ്ങൾ രേഖപ്പെടുത്തു!

Abhinand, son of TP Chandrashekharan, got married at an event attended by prominent political leaders and social figures.
#AbhinandWedding, #TPChandrashekharan, #PoliticalEvent, #KeralaNews, #MarriageCeremony