Conspiracy | തൃശൂര് പൂരം കലക്കല്: ഗൂഢാലോചനയെക്കുറിച്ചുള്ള അന്വേഷണത്തിന് പ്രത്യേകസംഘം രൂപവത്കരിച്ചു
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
● ത്രിതല അന്വേഷണമാണ് പ്രഖ്യാപിച്ചത്
● എംആര് അജിത് കുമാറിന് ഉണ്ടായ വീഴ്ചകളെ കുറിച്ച് ഡിജിപി ഷെയ്ഖ് ദര്വേഷ് സാഹിബ് അന്വേഷിക്കും
● ഗൂഢാലോചന ക്രൈംബ്രാഞ്ച് എഡിജിപിയായിരിക്കും അന്വേഷിക്കുക
● ഇന്റലിജന്സ് മേധാവിയും അന്വേഷണം നടത്തുന്നുണ്ട്
തിരുവനന്തപുരം: (KVARTHA) തൃശൂര് പൂരം കലക്കല് സംബന്ധിച്ച ഗൂഢാലോചനയെക്കുറിച്ചുള്ള അന്വേഷണത്തിന് പ്രത്യേകസംഘം രൂപവത്കരിച്ചു. ക്രൈംബ്രാഞ്ച് മേധാവി എച്ച് വെങ്കിടേഷിന്റെ കീഴില് ആറംഗ സംഘമാണ് പ്രവര്ത്തിക്കുക. ഡിഐജി തോംസണ് ജോസ്, കൊല്ലം റൂറല് എസ് പി സാബു മാത്യു, കൊച്ചി എസിപി പി രാജ്കുമാര്, വിജിലന്സ് ഡി വൈ എസ് പി ബിജു വി നായര്, ഇന്സ്പെക്ടര്മാരായ ചിത്തരഞ്ജന്, ആര് ജയകുമാര് എന്നിവരാണ് സംഘത്തിലുള്ളത്.
പൂരം കലക്കലുമായി ബന്ധപ്പെട്ട് മുന് എഡിജിപി എംആര് അജിത് കുമാര് നല്കിയ റിപ്പോര്ട്ട് ഡിജിപിയും ആഭ്യന്തര വകുപ്പും തള്ളിയതിനു പിന്നാലെയാണ് തുടരന്വേഷണത്തിന് ഉത്തരവിട്ടത്. ത്രിതല അന്വേഷണമാണ് പ്രഖ്യാപിച്ചത്. പൂരം കലക്കലുമായി ബന്ധപ്പെട്ട് എംആര് അജിത് കുമാറിന് ഉണ്ടായ വീഴ്ചകളെ കുറിച്ച് ഡിജിപി ഷെയ്ഖ് ദര്വേഷ് സാഹിബ് അന്വേഷിക്കും.
ഗൂഢാലോചന ക്രൈംബ്രാഞ്ച് എഡിജിപിയായിരിക്കും അന്വേഷിക്കുക. വിഷയത്തില് ഇന്റലിജന്സ് മേധാവിയും അന്വേഷണം നടത്തുന്നുണ്ട്. അതേസമയം എഡിജിപി സമര്പ്പിച്ച അന്വേഷണ റിപ്പോര്ട്ട് പുറത്തുവിടാന് സര്ക്കാര് ഇതുവരെ തയാറായിട്ടില്ല.
#ThrissurPooram #KeralaNews #CrimeBranch #KeralaPolice #Conspiracy #SpecialInvestigation
