Arrested | മദ്യപിച്ച് ഫ്ലാഷ് ലൈറ്റിട്ട് അതിവേഗം ആംബുലന്സ് ഓടിച്ച ഡ്രൈവറെ കയ്യോടെ പൊക്കി മോടോര് വാഹനവകുപ്പ്
Jul 23, 2023, 13:23 IST
ADVERTISEMENT
തൃശൂര്: (www.kvartha.com) മദ്യപിച്ച് അതിവേഗം ആംബുലന്സ് ഓടിച്ച ഡ്രൈവറെ കയ്യോടെ പൊക്കി മോടോര് വാഹനവകുപ്പ്. ഡ്രൈവര് കെ ടി റനീഷിനെയാണ് അറസ്റ്റ് ചെയ്തത്. തൃശൂരില്നിന്ന് ചാലക്കുടിയിലേക്ക് പോകുന്നതിനിടെ
ശനിയാഴ്ച രാത്രി പാലിയേക്കര ടോളിന് സമീപം വാഹന പരിശോധനയ്ക്കിടയിലാണ് ഇയാള് പിടിയിലായത്.
പാലിയേക്കര ടോളിന് സമീപം മോടോര് വാഹന വകുപ്പ് പരിശോധന നടത്തുന്നതുകണ്ട റനീഷ്, ഫ്ലാഷ് ലൈറ്റ് ഓണാക്കി ആംബുലന്സിന്റെ വേഗം കൂട്ടുകയായിരുന്നുവെന്ന് ഉദ്യോഗസ്ഥര് പറഞ്ഞു. ഇതു കണ്ടതോടെയാണ് സംശയം തോന്നി വാഹനം നിര്ത്തിച്ച് പരിശോധിച്ചത്.
എംവിഐ സി എസ് വിതിന് കുമാര്, എഎംവിഐമാരായ അരുണ് ആര് സുരേന്ദ്, കെ ജെ വിപിന് എന്നിവരടങ്ങിയ സംഘമാണ് പരിശോധന നടത്തിയത്. മദ്യപിച്ചതായി തെളിഞ്ഞതിനെ തുടര്ന്ന് ഇയാളുടെ ലൈസന്സ് റദ്ദാക്കാനുള്ള നടപടികള് സ്വീകരിച്ചു.
ആംബുലന്സ് പോലുള്ള വാഹനങ്ങള് ദുരുപയോഗം ചെയ്യുന്നത് ഗുരുതരമായ തെറ്റാണെന്നും വരും ദിവസങ്ങളില് പരിശോധന കര്ശനമാക്കുമെന്നും എന്ഫോഴ്സ്മെന്റ് ആര്ടിഒ വി ടി മധു പറഞ്ഞു.
Keywords: News, Kerala, Kerala-News, Local-News, Regional-News, Thrissur, Motor Vehicle Department, Arrested, Ambulance Driver, Drunk, Drive, Thrissur: Motor vehicle department arrested Ambulance Driver for drunk and drive.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
