Rescued | ബസിന് അടിയില്‍ കിടന്ന് തകരാര്‍ പരിഹരിക്കുന്നതിനിടെ യുവാവിന്റെ തല കുടുങ്ങി; ഒരു മണിക്കൂറോളം അനങ്ങാന്‍ പറ്റാത്ത അവസ്ഥ, ഒടുവില്‍ 25കാരന് രക്ഷകരായി അഗ്‌നിരക്ഷാ സേന

ടൂര്‍ കഴിഞ്ഞ് നിറയെ കുട്ടികളുമായി ആലപ്പുഴയില്‍ നിന്ന് ബെംഗ്ലൂറിലേക്കു മടങ്ങുകയായിരുന്ന സാം ടൂര്‍സ് ആന്‍ഡ് ട്രാവല്‍സിന്റെ ബസ് ആണ് തകരാറിലായത്. പിറകില്‍ ടയറുകളോടു ചേര്‍ന്നുള്ള ഭാഗത്തു പരിശോധിക്കുന്നതിനിടെ സസ്‌പെന്‍ഷന്‍ സംവിധാനത്തില്‍ നിന്ന് എയര്‍ ചോര്‍ന്ന് ബസ് താഴുകയും അശോകിന്റെ തല ചേസിനും സസ്‌പെന്‍ഷനും ഇടയില്‍ കുടുങ്ങുകയുമായിരുന്നു.

ഓടിക്കൂടിയവരും പൊലീസും ചേര്‍ന്ന് രക്ഷാപ്രവര്‍ത്തനം തുടങ്ങിയെങ്കിലും തല എങ്ങനെ കുടുങ്ങിക്കിടക്കുന്നുവെന്ന് കാണാന്‍ കഴിയാത്ത നിലയിലായിരുന്നു. ഒടുവില്‍ അഗ്‌നിരക്ഷാ സേനയെ വിവരമറിയിക്കുകയായിരുന്നു. സേനാംഗങ്ങള്‍ ഹൈഡ്രോളിക് സ്‌പ്രെഡര്‍ ഉപയോഗിച്ച് ചേസ് അകത്തിയാണ് അശോകിനെ പുറത്തെത്തിച്ചത്. രക്ഷാപ്രവര്‍ത്തനം മുക്കാല്‍ മണിക്കൂറോളം നീണ്ടുനിന്നു. യുവാവിന്റെ നിലയറിയാതെ ഈ സമയമത്രയും ആളുകള്‍ പരിഭ്രാന്തരായി.

പുറത്തെടുത്ത യുവാവിനെ ആക്ട്‌സ് പ്രവര്‍ത്തകര്‍ ജെനറല്‍ ആശുപത്രിയിലെത്തിച്ച് പ്രഥമ ശുശ്രൂഷ നല്‍കി. ആശുപത്രിയിലെ നിരീക്ഷണത്തിനും വിശ്രമത്തിനും ശേഷം സംഘം യാത്ര തുടര്‍ന്നു. സീനിയര്‍ ഫയര്‍ ആന്‍ഡ് റെസ്‌ക്യു ഓഫിസര്‍ എം രാജന്റെ നേതൃത്വത്തില്‍ ഓഫിസര്‍മാരായ ജി പ്രമോദ്, അനന്തകൃഷ്ണന്‍, കെ പ്രകാശന്‍, ടി എസ് സജിന്‍, രഞ്ജിത് ടി പാപ്പച്ചന്‍, അനില്‍കുമാര്‍, ഹോം ഗാര്‍ഡ് ടി എം ഷാജു എന്നിവര്‍ ചേര്‍ന്നാണു രക്ഷാപ്രവര്‍ത്തനം നടത്തിയത്.

Keywords: Thrissur: Fire force rescued bus driver, Thrissur, News, Local News, Bus, Hospital, Treatment, Kerala.