ഗ്രാമത്തില്‍ മാരക രോഗങ്ങളുമായി മൂന്ന് സ്ത്രീകള്‍

ഓമനയും ജ്യേഷ്ഠന്‍ തമ്പാനും

മോനാച്ച പൂച്ചക്കാടന്‍ വീട്ടിലെ പി ശോഭനയും കാന്‍സര്‍ രോഗത്തിന്റെ പിടിയിലാണ്. രണ്ട് മാസം മുമ്പാണ് ശോഭയ്ക്ക് ഗര്‍ഭപാത്രത്തില്‍ അര്‍ബുദം ബാധിച്ചത്. മംഗലാപുരം ഫാദര്‍ മുള്ളേഴ്‌സ് ആശുപത്രിയില്‍ ചികിത്സ നടത്തിക്കൊണ്ടിരിക്കുന്ന ശോഭനയുടെ രോഗം ഇതുവരെ ഭേദമായിട്ടില്ല. നാല് തവണ കീമോതെറാപ്പി ചികിത്സയ്ക്ക് ശോഭന വിധേയയാകണമെന്നാണ് ഡോക്ടര്‍മാര്‍ നല്‍കിയിരിക്കുന്ന നിര്‍ദ്ദേശം. ഇതില്‍ രണ്ട് തവണ കീമോതെറാപ്പി ചികിത്സ നടത്തി. ശസ്ത്രക്രിയയ്ക്ക് മാത്രമായി 35,000 രൂപ ചെലവായി. മൊത്തം ഒരു ലക്ഷത്തോളം രൂപ ശോഭനയുടെ ചികിത്സയ്ക്ക് ചിലവഴിച്ചിട്ടുണ്ട്. മീങ്ങോത്ത് അംഗണ്‍വാടിയില്‍ അധ്യാപികയായി ജോലിചെയ്തിരുന്ന ശോഭനയ്ക്ക് രോഗത്തിന്റെ അവശത കാരണം രണ്ട് മാസക്കാലമായി ജോലിക്ക് പോകാന്‍ കഴിയുന്നില്ല. ഭര്‍ത്താവ് ഗംഗാധരന്‍ കൂലിവേല ചെയ്താണ് കുടുംബം പുലര്‍ത്തുന്നത്. ഗംഗാധരന്‍ - ശോഭന ദമ്പതികള്‍ക്ക് രണ്ട് പെണ്‍മക്കളാണുള്ളത്. 10 വയസുകാരി മൂത്തമകള്‍ ഗ്രീന ഉപ്പിലിക്കൈ ഗവ.ഹയര്‍സെക്കന്‍ഡറി സ്‌കൂളിലും ഇളയമകള്‍ എട്ടുവയസുകാരിയായ ഗീതു പെരിയ ഗവ.എല്‍പി സ്‌കൂളിലും പഠിക്കുന്നു. ശോഭനയുടെ ചികിത്സാ ചെലവിനും കുട്ടികളുടെ പഠന ചെലവിനും പുറമെ കുടുംബം പുലര്‍ത്തേണ്ട ഉത്തരവാദിത്വം കൂടി ഗംഗാധരന് ഏറ്റെടുക്കേണ്ടിവന്നിരിക്കുകയാണ്. ശോഭനയുടെ സഹോദരിയായ സരോജിനി (35)യും മാരക രോഗത്തിന്റെ പിടിയിലാണ്.

ശോഭനയുടെ മാതാപിതാക്കളായ കേളുവും ഇച്ചിരയും വിവിധ രോഗങ്ങള്‍ മൂലം വലയുന്നു. കേളുവും കുടുംബത്തെ സഹായിക്കാന്‍ കൂലിവേല ചെയ്യുന്നു. അതെസമയം പ്രമേഹം ഉള്‍പ്പെടെയുള്ള അസുഖങ്ങള്‍ കേളുവിനെ അലട്ടുകയാണ്. ശോഭനയെ പരിചരിക്കേണ്ടതിനാല്‍ മാതാവ് ഇച്ചിരയ്ക്ക് ജോലിക്ക് പോകാന്‍ കഴിയുന്നില്ല. അംഗണ്‍വാടി വര്‍ക്കര്‍മാരുടെയും നാട്ടുകാരുടെയും സഹായങ്ങള്‍ മാത്രമാണ് ശോഭനയുടെ കുടുംബത്തിന് അല്‍പമെങ്കിലും ആശ്വാസം.

തലച്ചോറിന് അസുഖം ബാധിച്ച് മോനാച്ച പച്ചിക്കാരന്‍വീട്ടില്‍ വി ഓമനയും ശോഭനയെയും ബേബിയെയും പോലെ ജീവിതത്തോടും മരണത്തോടുംപൊരുതുകയാണ്. വര്‍ഷങ്ങള്‍ക്ക് മുമ്പ് ഭര്‍ത്താവ് ആലയിലെ നാരായണന്‍ ഉപേക്ഷിച്ച് പോയതോടെ ഓമന ജീവിതത്തില്‍ തനിച്ചാവുകയായിരുന്നു. ഇതിനിടെയാണ് ഓമനയുടെ തലച്ചോറിന് ഗുരുതരമായ രോഗം ബാധിച്ചത്. തലച്ചോറിലേക്കുള്ള രണ്ട് നാഡികളില്‍ രക്തം കട്ടകെട്ടുന്ന അസുഖവും മാരകമായ വൃക്കരോഗവുമാണ് ഓമനയുടെ ജീവിതം തളര്‍ത്തിയത്. കൂലിപ്പണി ചെയ്താണ് ഓമന നേരത്തെ ഉപജീവനമാര്‍ഗം കണ്ടെത്തിയിരുന്നത്. രോഗത്തിന്റെ കാഠിന്യമേറിയതോടെ ഓമനയ്ക്ക് ഒരു ജോലിയും ചെയ്യാന്‍ കഴിയുന്നില്ല. ഓമനയ്‌ക്കൊപ്പം താമസിക്കുന്ന ജ്യേഷ്ഠന്‍ തമ്പാന്‍ വര്‍ഷങ്ങളായി മാനസിക രോഗത്തിന് അടിമയാണ്. മാത്രമല്ല ചിലപ്പോള്‍ തമ്പാന്‍ അക്രമാസക്തനാവുകയും ചെയ്യുന്നു. എല്ലാമാസവും ശോഭനയ്ക്ക് 3, 000 രൂപയുടെ മരുന്നുകള്‍ ആവശ്യമാണ്. ഓമനയുടെ ഏക മകള്‍ സുമതി വിവാഹിതയായി കണ്ണൂരില്‍ ഭര്‍ത്താവിനോടൊപ്പമാണ് താമസം. രോഗവും കണ്ണീരുമായി കഴിയുന്ന ഈ വീട്ടമ്മമാര്‍ക്ക് മുന്നില്‍ സഹായ ഹസ്തവുമായി ആരെങ്കിലും വരുമോ എന്നാണ് നാട്ടുകാര്‍ ചോദിക്കുന്നത്.

Keywords:  kasaragod, kanhangad, Kerala, Women