Arrested | 'മരുന്ന് വാങ്ങാനെന്ന വ്യാജേന മെഡികല്‍ സ്റ്റോറിലെത്തി ജീവനക്കാരിയുടെ 3.5 പവന്‍ മാല പൊട്ടിച്ചെടുത്തുകടന്നുകളഞ്ഞു'; 3പേര്‍ അറസ്റ്റില്‍

ഇക്കഴിഞ്ഞ ഒക്ടോബര്‍ 21 ന് രാത്രി ഏഴുമണിയോടെ ബാലരാമപുരം താന്നിവിളയിലെ ഉത്രാടം മെഡികല്‍ സ്റ്റോറിലാണ് സംഭവം. ആളൊഴിഞ്ഞ സമയം നോക്കി കടയില്‍ കയറി മരുന്നും മിഠായിയും വാങ്ങിയ ശേഷം ജീവനക്കാരി ബാക്കിതുക എടുക്കുന്നതിനിടെ ഒന്നാം പ്രതിയായ അരുണ്‍ മാല പൊട്ടിച്ചെടുക്കുകയായിരുന്നു എന്നാണ് പരാതി. ജീവനക്കാരി പിന്നാലെ ഓടിയെങ്കിലും പിടികൂടാനായില്ല.

ഇയാള്‍ അല്‍പം അകലെ നിര്‍ത്തിയിരുന്ന രതീഷിന്റെ ബൈകില്‍ കയറി രക്ഷപ്പെട്ടു. ഈ മാല വില്‍പന നടത്താന്‍ സഹായിച്ചതിനാണ് മനോജിനെ അറസ്റ്റ് ചെയ്തത്. മാല പൊട്ടിച്ചെടുക്കുന്നതിന്റെ സിസിടിവി ദൃശ്യം വ്യാപകമായി പ്രചരിച്ചതോടെയാണ് പ്രതിയെ തിരിച്ചറിഞ്ഞത്. മാല വിറ്റുകിട്ടിയ പണം മൂവരും ചേര്‍ന്ന് വീതിച്ചെടുക്കുകയായിരുന്നു.

രതീഷ് ബൈക് റിപയറിങ് ഷോപ് നടത്തുന്നയാളാണെന്ന് പൊലീസ് പറഞ്ഞു. അറ്റകുറ്റപ്പണിക്കായി കൊണ്ടുവന്ന ബൈകാണ് മോഷണത്തിന് ഉപയോഗിച്ചത്. ബാലരാമപുരം പൊലീസ് ഇന്‍സ്‌പെക്ടര്‍ ഡി ബിജുകുമാര്‍, എസ്‌ഐ അജിത് കുമാര്‍, എഎസ്‌ഐ അനികുമാര്‍, സുധീഷ്, ശ്രീകാന്ത്, ഗിരികൃഷ്ണന്‍, പത്മകുമാര്‍ എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.

Keywords: Three arrested in robbery case, Thiruvananthapuram, News, Local News, Police, Arrested, Robbery, Kerala.