Suspended | ഗുണ്ടാസംഘങ്ങളുമായി ബന്ധം: തിരുവനന്തപുരത്ത് 2 ഡിവൈഎസ്പിമാര്ക്ക് സസ്പെന്ഷന്
Jan 19, 2023, 17:30 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com) തലസ്ഥാനത്ത് രണ്ട് ഡിവൈഎസ്പിമാര്ക്ക് സസ്പെന്ഷന്. ഇവര്ക്ക് ഗുണ്ടാസംഘങ്ങളുമായി ബന്ധമുണ്ടെന്ന് കണ്ടെത്തിയതിനെ തുടര്ന്നാണ് നടപടിയെന്നാണ് പുറത്ത് വരുന്ന ആരോപണം. തിരുവനന്തപുരം റൂറല് ക്രൈം ബ്രാഞ്ച് ഡിവൈഎസ്പി കെ ജെ ജോണ്സണ്, വിജിലന്സ് ഡിവൈഎസ്പി പ്രസാദ് എന്നിവരെയാണ് സസ്പെന്ഡ് ചെയ്തത്.
രണ്ടുപേര്ക്കുമെതിരെ നടപടി വേണമെന്നാവശ്യപ്പെട്ട് ഡിജിപി നേരത്തെ ആഭ്യന്തര വകുപ്പിന് ശിപാര്ശ നല്കിയിരുന്നു. എന്നാല് ശിപാര്ശയില് മൂന്ന് ദിവസമായിട്ടും തീരുമാനമായിരുന്നില്ല. ഇതിനുപിന്നില് രാഷ്ട്രീയ നീക്കങ്ങളുണ്ടെന്ന ആരോപണം ഉയര്ന്ന പശ്ചാത്തലത്തിലാണ് വ്യാഴാഴ്ച രണ്ടുപേരേയും സസ്പെന്ഡ് ചെയ്തുള്ള ഉത്തരവ് പുറത്തിറക്കിയത്. ഗുണ്ടാസംഘങ്ങളുടെ തര്ക്കങ്ങളില് ഇടനിലക്കാരായെന്ന് കണ്ടെത്തലിന്റെ അടിസ്ഥാനത്തിലാണ് നടപടിയെന്നാണ് വിവരം.
തിരുവനന്തപുരത്ത് ദിവസങ്ങള്ക്ക് മുമ്പ് നടന്ന ഗുണ്ടാസംഘങ്ങള് തമ്മിലുള്ള പ്രശ്നപരിഹാര ചര്ചയില് ജോണ്സണും പ്രസാദും നേരത്തെ സസ്പെന്ഷനിലായ റെയില്വേ സിഐ അഭിലാഷും പങ്കെടുത്തിരുന്നുവെന്ന് സ്പെഷ്യല് ബ്രാഞ്ച് നേരത്തെ കണ്ടെത്തിയിരുന്നു. പാറശ്ശാല ഷാരോണ് വധക്കേസ് അന്വേഷിച്ച ഉദ്യോഗസ്ഥനാണ് ജോണ്സണ്.
Keywords: News,Kerala,State,Thiruvananthapuram,Police,Police men,Officers, Suspension,Punishment,Top-Headlines,Latest-News, Thiruvananthapuram: Close relation with quotation gang, two police officers suspended
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
