Accidental Death | പള്ളിപ്പുറത്ത് കെഎസ്ആര്ടിസി ബസും ഓടോ റിക്ഷയും കൂട്ടിയിടിച്ച് നവജാതശിശു ഉള്പെടെ 3 പേര്ക്ക് ദാരുണാന്ത്യം; 2 പേര്ക്ക് പരുക്ക്
May 19, 2023, 08:55 IST
ADVERTISEMENT
തിരുവനന്തപുരം: (www.kvartha.com) പള്ളിപ്പുറത്ത് കെഎസ്ആര്ടിസി ബസും ഓടോ റിക്ഷയും കൂട്ടിയിടിച്ചുണ്ടായ അപകടത്തില് നവജാതശിശു ഉള്പെടെ മൂന്നുപേര്ക്ക് ദാരുണാന്ത്യം. ആറ്റിങ്ങല് മണമ്പൂര് സ്വദേശി മഹേഷ്- അനു ദമ്പതികളുടെ നാലുദിവസം പ്രായമായ പെണ്കുഞ്ഞ്, അനുവിന്റെ അമ്മ മണമ്പൂര് സ്വദേശിനി ശോഭ, ഓടോ റിക്ഷ ഡ്രൈവര് സുനില് (34) എന്നിവരാണ് മരിച്ചത്.
വ്യഴാഴ്ച രാത്രി എട്ടിനായിരുന്നു പള്ളിപ്പുറത്തിന് സമീപം അപകടം നടന്നത്. പ്രസവശേഷം ആശുപത്രിയില്നിന്ന് വീട്ടിലേക്ക് പോകുമ്പോഴായിരുന്നു അപകടം. അപകടത്തില് പരുക്കേറ്റ അനുവിനേയും അഞ്ചുവയസുള്ള കുഞ്ഞിനേയും മെഡികല് കോളജില് പ്രവേശിപ്പിച്ചു.
അമിതവേഗത്തിലെത്തിയ ഫാസ്റ്റ് പാസന്ജര് ബസ് ഓടോ റിക്ഷയിലിടിക്കുകയായിരുന്നുവെന്നാണ് വിവരം. നവജാതശിശു റോഡിലേക്ക് തെറിച്ചുവീഴുകയായിരുന്നു. അപകടം നടന്ന ഉടനെ ബസ് ഡ്രൈവര് ഓടി രക്ഷപ്പെട്ടു.
Keywords: News, Kerala-News, Road Accident, Accidental Death, Infant, Newborn, KSRTC, Kerala, News-Malayalam, Accident-News, Thiruvananthapuram: 3 People including newborn died in road accident.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
