Emergency Response | ബസിൽ കുഴഞ്ഞുവീണ സ്ത്രീയുടെ രക്ഷകരായി ഡ്രൈവറും കണ്ടക്ടറും യാത്രക്കാരും

പാലക്കാട്: (KVARTHA) കെഎസ്ആർടിസി ബസിൽ കുഴഞ്ഞുവീണ സ്ത്രീയുടെ രക്ഷകരായി ബസ് ഡ്രൈവറും കണ്ടക്ടറും യാത്രക്കാരും. പാലക്കാട് നിന്ന് കോഴിക്കോടേക്ക് പോവുകയായിരുന്ന കെഎസ്ആർടിസി ബസിൽ തിങ്കളാഴ്ച ഉച്ചയ്ക്ക് ഒന്നരയോടെയാണ് സംഭവം. മണ്ണാർക്കാടിനടുത്ത് ചിറക്കൽപ്പടിയിൽ എത്തിയപ്പോൾ ഡ്രൈവറുടെ തൊട്ടു പിന്നിലെ സീറ്റിലിരുന്ന കോയമ്പത്തൂർ സ്വദേശി ഉഷ (58) പെട്ടെന്ന് കുഴഞ്ഞു വീഴുകയായിരുന്നു.

മറ്റൊരു സീറ്റിലുണ്ടായിരുന്ന ഇടുക്കി സ്വദേശി ബീന ബേബി ഉടൻ തന്നെ ഉഷയുടെ പൾസ് നോക്കി. അവസ്ഥ ഗുരുതരമാണെന്ന് മനസ്സിലാക്കിയ ബീന ഉടൻ തന്നെ സിപിആർ നൽകാൻ തുടങ്ങി. ഇരുപത് മിനിറ്റോളം തുടർച്ചയായി നൽകിയ സിപിആർ ഫലം ചെയ്ത് ഉഷയുടെ കണ്ണുകൾ തുറന്നു. 

ഈ സമയം ബസ് ഡ്രൈവർ നാരായണൻകുട്ടിയും കണ്ടക്ടർ ഷംസുദ്ദീനും അടുത്തുള്ള ആശുപത്രി എവിടെയാണെന്നറിയാതെ ആശങ്കയിലായിരുന്നു. എന്നാൽ യാത്രക്കാരനായ കാരാകുറുശ്ശി സ്വദേശി കെ സുധാകരൻ അവർക്ക് വഴികാട്ടിയായി. തുടർന്ന് മണ്ണാർക്കാട് ആശുപത്രിയിൽ എത്തിച്ച് ഉഷയ്ക്ക് അടിയന്തര ചികിത്സ നൽകി. 

പിന്നീട്  ആരോഗ്യനില മെച്ചപ്പെട്ടതോടെ യുവതി ആശുപത്രി വിട്ടു. ഒരു ജീവൻ രക്ഷിക്കപ്പെട്ടതിന്റെ ആശ്വാസത്തിലാണ് എല്ലാവരും. സഹയാത്രിക്കാരുടെ മനുഷ്യത്വം, ബസ് ജീവനക്കാരുടെ സമയോചിത ഇടപെടൽ ഇതിന് സഹായകരമായി.

#KSRTC #Kerala #rescue #CPR #humanity #hero #firstaid