Seminar | തളിപ്പറമ്പ് സര്‍ സയ്യിദില്‍ ബയോ ടെക്‌നോളജി സെമിനാര്‍ നടത്തി

തളിപ്പറമ്പ്: (KVARTHA) തളിപറമ്പ് സര്‍ സയ്യിദ് ഇന്‍സ്റ്റിറ്റിയൂടില്‍, ബയോടെക്‌നോളജി വിഭാഗത്തിന്റെ നേതൃത്വത്തില്‍ ബയോടെക്‌നോളജിയിലെ സമീപകാല മുന്നേറ്റങ്ങള്‍ എന്ന വിഷയത്തില്‍ ദേശീയ സെമിനാര്‍ റാബ് 2023 സംഘടിപ്പിച്ചു. ജില്ലാ കരിമ്പ് ഗവേഷണ കേന്ദ്രത്തിലെ ശാസ്ത്രജ്ഞന്‍ ഡോ. കെ ചന്ദ്രന്‍ ഉദ്ഘാടനം ചെയ്തു.


ഇന്‍സ്റ്റിറ്റിയൂട് സെമിനാര്‍ ഹാളില്‍ നടന്ന പരിപാടിയില്‍ പ്രിന്‍സിപാള്‍ ഡോ. ഖലീല്‍ ചൊവ്വ അധ്യക്ഷത വഹിച്ചു. മംഗലാപുരം യേനപ്പോയ ക്യാന്‍സര്‍ ഗവേഷണ കേന്ദ്രം ശാസ്ത്രജ്ഞ ഡോ. ദിവ്യാ ലക്ഷ്മണന്‍,
സിഡിഎംഇഎ സെക്രടറി മഹമ്മൂദ് അള്ളാംകുളം, ഡോ. ദീപക് റോഷന്‍ ഡോ. സബീഷ് ബാലന്‍, ഡോ. എസ് പി മീര, ഡോ. എം വി പി സിറാജ്, ഡോ. സോണി ജയരാമന്‍, റാസാ മുഹമ്മദ് ജാബിര്‍ തുടങ്ങിയവര്‍ സംസാരിച്ചു. മറ്റു സംസ്ഥാനങ്ങളില്‍ നിന്നടക്കം നൂറ്റമ്പത് വിദ്യാര്‍ഥികള്‍ സെമിനാറില്‍ പങ്കെടുത്തു.