തലശ്ശേരി ജനറൽ ആശുപത്രിക്ക് സമീപം കൂറ്റൻ മരം കടപുഴകി വീണ് ആറ് ഇരുചക്ര വാഹനങ്ങൾ തകർന്നു

തലശ്ശേരി: (KVARTHA) കനത്ത മഴയിൽ തലശ്ശേരി ജനറൽ ആശുപത്രിക്ക് മുൻവശം ടാക്സി സ്റ്റാൻഡിന് സമീപത്തെ കൂറ്റൻ തണൽ മരം കടപുഴകി വീണു. നിർത്തിയിട്ടിരുന്ന ആറ് ഇരുചക്ര വാഹനങ്ങൾക്ക് കേടുപാടുകൾ സംഭവിച്ചു.

ശനിയാഴ്ച രാവിലെ 10.30 ഓടെയാണ് സംഭവം. തലശ്ശേരി ജനറൽ ആശുപത്രിക്ക് മുൻവശം ജൂബിലി കോംപ്ലക്സിലെ ടാക്സി സ്റ്റാൻഡിന് സമീപത്തെ കൂറ്റൻ പുളി മരമാണ് കടപുഴകി വീണത്. മരത്തിന് സമീപം നിർത്തിയിട്ടിരുന്ന ആറ് ഇരുചക്ര വാഹനങ്ങൾക്കാണ് കേടുപാടുകൾ സംഭവിച്ചത്. 

ജനറൽ ആശുപത്രിയിലേക്കും മറ്റുമുള്ളവർ ഇത് വഴിയാണ് സാധാരണയായി കടന്നു പോകാറുള്ളത്. എന്നാൽ ശക്തമായ മഴ കാരണം പലരും കടവരാന്തകളിൽ അഭയം തേടിയതിനാലും ഈ സമയം വാഹനങ്ങൾ കുറവായതിനാലും വലിയൊരു ദുരന്തം ഒഴിവായെന്ന് നാട്ടുകാർ പറഞ്ഞു.

വിവരമറിഞ്ഞെത്തിയ ഫയർഫോഴ്സ് സംഘവും നഗരസഭാ ജീവനക്കാരും നാട്ടുകാരും ചേർന്ന് ഉടൻ തന്നെ മരം മുറിച്ച് മാറ്റി റോഡ് ഗതാഗതയോഗ്യമാക്കി.

തലശ്ശേരിയിൽ മരം വീണതിനെക്കുറിച്ചുള്ള ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Summary: A massive tree fell near Thalassery General Hospital in heavy rain, damaging six two-wheelers. A major tragedy was averted as people sought shelter due to the rain.

 #Thalassery #KeralaRain #TreeFall #RoadSafety #Monsoon #NaturalDisaster