Arrested | തലശേരിയില്‍ സിപിഐ ഓഫിസിനുനേരെ കരിഓയില്‍ പ്രയോഗം; 2 പേര്‍ അറസ്റ്റില്‍
Dec 23, 2022, 09:46 IST
തലശേരി: (www.kvartha.com) സി പി ഐ ഇടത്തിലമ്പലം ബ്രാഞ്ച് കമിറ്റി ഓഫിസിന് കരിഓയില്‍ പ്രയോഗം നടത്തിയ കേസില്‍ രണ്ട് പേര്‍ അറസ്റ്റില്‍. ആര്‍ എസ് എസ് പ്രവര്‍ത്തകരായ ഇടത്തിലമ്പലം സ്വദേശികളായ അര്‍ജുന്‍ (28), നിഖല്‍ (24) എന്നിവരെയാണ് അറസ്റ്റ് ചെയ്തതെന്ന് പൊലീസ് പറഞ്ഞു. ധര്‍മടം എസ് ഐ രതീഷിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. ബോധപൂര്‍വം സംഘര്‍ഷാവസ്ഥ സൃഷ്ടിക്കല്‍ വകുപ്പാണ് പ്രതികള്‍ക്കെതിരെ ചുമത്തിയത്.
കഴിഞ്ഞദിവസം അര്‍ധരാത്രിയിലാണ് സംഭവം. 2012ല്‍ സ്മാരകം ഉദ്ഘാടനം ചെയ്തതിനുശേഷം 11-ാം തവണയാണ് ഓഫിസിനുനേരെ ആക്രമണം ഉണ്ടായത്. അക്രമത്തിന് പിന്നില്‍ ആര്‍ എസ് എസ് ആണെന്ന് സി പി ഐ ആരോപിച്ചിരുന്നു. സംഭവത്തില്‍ പ്രതിഷേധിച്ച് സി പി ഐയുടെ നേതൃത്വത്തില്‍ ഇടത്തിലമ്പലത്ത് പ്രതിഷേധയോഗവും സംഘടിപ്പിച്ചിരുന്നു.
Keywords: News,Kerala,RealEstate,Thalassery,CPM,RSS,Allegation,Complaint,Case,Arrested,Police, Thalassery: Police arrested two RSS activists in incident against CPI office
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
