കണ്ണൂര്‍ ചാല ബൈപ്പാ­സില്‍ ഗ്യാസ് ടാങ്കര്‍ പൊ­ട്ടി­ത്തെ­റിച്ചു

ക­ണ്ണൂര്‍: കണ്ണൂര്‍ ചാല ബൈപ്പാ­സില്‍ ഗ്യാസ് ടാങ്കര്‍ പൊ­ട്ടി­ത്തെ­റിച്ചു. ഓടി­ക്കൊ­ണ്ടി­രുന്ന ടാങ്കര്‍ ലോറി­യാണ് പൊ­ട്ടി­ത്തെ­റി­ച്ച­ത്. രാ­ത്രി 11.10 ഓ­ടെ­യാ­ണ് സം­ഭവം. കോ­ഴിക്കോ­ട് നിന്നും ക­ണ്ണൂര്‍ ഭാ­ഗ­ത്തേ­ക്കു­ള്ള വ­രു­ന്ന ടാ­ങ്കര്‍ ലോ­റി­യാ­ണ് അ­പ­ക­ട­ത്തില്‍പ്പെ­ട്ടത്. ലോറി പൂര്‍ണ്ണ­മായും കത്തി­ന­ശി­ച്ചു. തീപി­ടിച്ച ടാങ്കര്‍ വായു­വി­ലേക്ക് ഉയര്‍ന്ന് കത്തു­ക­യാ­യി­രു­ന്നു. രണ്ട് തവണ സ്‌ഫോടനം നട­ന്ന­തായി ദൃക്‌സാ­ക്ഷി­കള്‍ പറ­ഞ്ഞു. അഞ്ച് കിലോ­മീ­റ്റര്‍ ചുറ്റ­ള­വില്‍ ഉഗ്ര­സ്‌ഫോ­ടനത്തിന്റെ ശബ്ദം കേട്ട­തായി പ്രദേ­ശ­വാ­സി­കള്‍ പറ­ഞ്ഞു.

ഒരു കിലോ­മീ­റ്റര്‍ ചുറ്റ­ള­വില്‍ തീ കത്തി­ക്കൊ­ണ്ടി­രി­ക്കു­ക­യാ­ണ്. അഗ്നി­ശ­മന സേന­യ്ക്കു­പോലും ഈ പ്രദേ­ശ­ത്തേക്ക് പോകാന്‍ സാധി­ക്കു­ന്നി­ല്ല. മൂന്നു വീടു­ക­ളി­ലേ­ക്കും, ആറോളം കട­ക­ളി­ലേക്കും തീ പടര്‍ന്നു­പി­ടി­ക്കു­ക­യാ­ണ്. ഒരു വീട് പൂര്‍ണ്ണ­മായും കത്തി­ന­ശി­ച്ചു. ഡ്രൈവര്‍ വണ്ടി നിര്‍ത്തി പരി­ശോ­ധി­ക്കു­ക­യു­ണ്ടാ­യെന്ന് ദൃക്‌സാ­ക്ഷി­കള്‍ പറ­യു­ന്നു­ണ്ട്. എന്നാല്‍ പിന്നീ­ടുള്ള വിവ­ര­ങ്ങ­ളൊന്നും അറി­യാന്‍ സാധി­ച്ചി­ട്ടി­ല്ല. വന്‍ അപ­ക­ട­മാണ് നട­ന്നി­ട്ടു­ള്ള­തെ­ന്നാണ് പ്രാഥ­മിക നിഗ­മ­നം. ചാ­ല­യി­ലേ­ക്കു­ള്ള നാ­ലു ഭാ­ഗ­ത്തു നി­ന്നു­ള്ള ഗ­താഗ­തം പോ­ലി­സ് ത­ട­ഞ്ഞി­ട്ടുണ്ട്.












അപകടത്തില്‍ 35 പേര്‍ക്ക് പരിക്കേററു. 13 പേരുടെ നില ഗുരതരം. ഗുരുതരമായി പരിക്കേററ ഒരാളെ കോഴിക്കോട് മെഡിക്കല്‍ കോളേജിലേക്ക് കൊണ്ടുപോയി. പരിയാരം മെഡിക്കല്‍ കോളേജില്‍ 15 പേരെ പ്രവേശിപ്പിച്ചു. ഇതില്‍ 10 പേര്‍ക്ക് ഗുരുതരം. ആറ് പേരുടെ നില അതീവ ഗുരുതരമാണ്. ഇവര്‍ക്ക് 65 ശതമാനത്തില്‍ കൂടുതല്‍ പെളളലേറ്റതായി ആശുപത്രി അധികൃതര്‍ അറിയിച്ചു. പരിയാരം മെഡിക്കല്‍ കേളേജില്‍ പ്രവേശിച്ചവര്‍ ഇവരാണ്: റസാഖ് (50), റമീസ് (20), രമ (50), കുഞ്ഞികൃഷ്ണന്‍ (50), ഹനന്‍ (ഒരുവയസ്സ്), ആയിശ (60), പ്രമോദ്, ലത(45), റീന (20), പ്രസാദ്, വിനീത്.

അതെസമയം 15 കടകളും, നാല് വീടുകളും പൂര്‍ണ്ണമായും കത്തിനശിച്ചതായി വിവിധ റിപ്പോര്‍ട്ടുകള്‍ സൂചിപ്പിക്കുന്നു. തീ നിയന്ത്രണ വിധേയമായെങ്കിലും ഗ്യാസ് ചോര്‍ച്ച തുടരുന്നതിനാല്‍ അപകട ഭീഷണി നിലനില്‍ക്കുന്നുണ്ട്. അപകടം നടന്നതിന് സമീപത്തെ ഒരു കല്ല്യാണ വീട്ടില്‍ നിരവധി പേര്‍ ഉണ്ടായിരുന്നതായും സൂചനയുണ്ട്. തീപ്പിടിച്ച വീടുകളിലെല്ലാം പോലീസും ഫയര്‍ഫോഴ്‌സും രക്ഷാപ്രവര്‍ത്തനം നടത്തിവരികയാണ്. 

എടക്കാട് പോലീസ് സ്റ്റേഷനില്‍ കണ്‍ട്രോള്‍ റൂം തുറന്നു. ഫോണ്‍ നമ്പര്‍: 04972832022