ഏഴു വയസ്സുകാരനെ തട്ടിയെടുക്കാന്‍ ശ്രമിച്ച തമിഴ്‌നാട് സ്വദേശി പിടിയില്‍

ആലപ്പുഴ: മരുന്നു കടയിലേയ്ക്ക് പോവുകയായിരുന്ന ഏഴു വയസ്സുകാരനെ കൈയ്യില്‍ ചാക്കുമായി പിന്തു­ടര്‍ന്ന് തട്ടിയെടുക്കാന്‍ ശ്രമിച്ച തമിഴ്‌നാട് സ്വദേശി പിടിയില്‍. തമിഴ്‌നാട് കാഞ്ചീപുരം ഭാരതിനഗര്‍ മേട്ടുപാളയം സ്വദേശി വേദഗിരീ­ശ­നെ­യാണ് നാട്ടുകാര്‍ പിടികൂടി പോലീസില്‍ ഏല്‍പി­ച്ചത്.
വ്യാഴാഴ്ച രാവിലെ കളര്‍കൊടിനു സമീപത്തായിരുന്നു സംഭവം. രണ്ടു ദിവ­സം മുമ്പ് ബന്ധുവീട്ടില്‍ എത്തിയതായിരുന്നു മുഹമ്മ സ്വദേശിയായ മൂന്നാം ക്ലാസുകാരന്‍. വ്യാ­ഴാഴ്ച തിരികെ കൊണ്ടുവരാന്‍ അമ്മ എത്തിയിരുന്നു. വിരലിലെ മുറിവിന് ഒട്ടിക്കാന്‍ ബാന്‍ഡേജ് വാങ്ങാനാണ് കുട്ടി പുറത്തിറങ്ങിയത്. ചാക്കുമായി സമീപിച്ചയാളെ കണ്ട് ഭയന്ന് വീട്ടിലേയ്ക്ക് ഓടിയപ്പോള്‍ അയാള്‍ നൂറു മീറ്ററോളം കൈയ്യില്‍ ചാക്കുമായി കുട്ടിയെ പിന്തുടരുകയായിരു­ന്നു.

മറ്റൊരു കുട്ടിയെയും ഇയാള്‍ പിടികൂടാന്‍ ശ്രമിക്കുന്നത് കണ്ടെന്ന് കുട്ടി പറയുന്നു. പല വലിപ്പത്തിലുള്ള കാലിച്ചാക്കുകള്‍ കുത്തിനിറച്ച വലിയ പ്ലാസ്റ്റിക്ക് ചാക്കാണ് ഇയാളുടെ കൈവശം ഉണ്ടായിരുന്നത്. കുട്ടിയുടെ കരച്ചില്‍കേട്ട് എത്തിയ ബന്ധുക്കളും നാട്ടുകാരും ചേര്‍ന്നാണ് വീടിന് സമീപത്തുനിന്ന് ഇയാളെ പിടികൂടിയ­ത്.

ഇയാള്‍ ഭിക്ഷാടകനാണെന്നും മാനസിക ദൗര്‍ബല്യമുണ്ടെന്ന് സംശയിക്കുന്നതായും പോലീസ് പറഞ്ഞു. ഇയാളെ പരിശോധനകള്‍ക്കായി പേരൂര്‍ക്കട മാനസികാരോഗ്യകേന്ദ്രത്തില്‍ പ്രവേശിപ്പിക്കാന്‍ കോടതി നിര്‍ദേശിച്ചതായി പോലീസ് അറിയി­ച്ചു.

Keywords: Children, Alappuzha, Kalarkodu, Thamilnadu, Police, Court, Hospital, Malayalam Vartha, Kvartha, Malayalam News, Kidnap, Mental Patient.