തളിപ്പറമ്പിൽ ശ്രീനാരായണഗുരുവിൻ്റെ ദൃഢസ്മരണ; പഞ്ചലോഹ വിഗ്രഹ പ്രതിഷ്ഠ നടക്കും
● തളാപ്പ് ശ്രീ സുന്ദരേശ്വര ക്ഷേത്രത്തിൽ നിന്നാണ് ഘോഷയാത്ര ആരംഭിക്കുന്നത്.
● വൈകുന്നേരം നടക്കുന്ന സാംസ്കാരിക സമ്മേളനത്തിൽ പ്രമുഖർ പങ്കെടുക്കും.
● മൊട്ടമ്മൽ രാജനാണ് വിഗ്രഹം നിർമ്മിച്ച് സമർപ്പിക്കുന്നത്.
● ശിവഗിരി മഠത്തിലെ സത്യാനന്ദതീർത്ഥ സ്വാമികൾ പ്രതിഷ്ഠാചാര്യനാകും.
തളിപ്പറമ്പ്: (KVARTHA) തൃച്ചംബരം ശ്രീ നാരായണ കലാക്ഷേത്രത്തിൻ്റെ ഇരുപതാം വാർഷികാഘോഷങ്ങളുടെ ഭാഗമായി ശ്രീനാരായണഗുരുദേവന്റെ പഞ്ചലോഹ വിഗ്രഹം തൃച്ചംബരം ശ്രീ നാരായണ ഗുരു മന്ദിരത്തിൽ പ്രതിഷ്ഠിക്കുന്നു.
ചാലക്കുടി ബ്രഹ്മ ശിൽപാലയത്തിലെ പൂജാദി കർമ്മങ്ങൾക്ക് ശേഷം ശിൽപി ബെന്നി ശാന്തിയിൽ നിന്നും തളിപ്പറമ്പ് ശ്രീ നാരായണ കലാക്ഷേത്രം ഭാരവാഹികളായ കെ.വി. വിലാസൻ, പി. രാമകൃഷ്ണൻ, രാജേഷ് പുത്തലത്ത് എന്നിവർ പഞ്ചലോഹ വിഗ്രഹം ഏറ്റുവാങ്ങി കണ്ണൂർ തളാപ്പ് ശ്രീ സുന്ദരേശ്വര ക്ഷേത്ര സന്നിധിയിൽ എത്തിച്ചു.
ഏപ്രിൽ 30ന് ബുധനാഴ്ച വൈകുന്നേരം മൂന്ന് മണിക്ക് തളാപ്പ് ശ്രീ സുന്ദരേശ്വര ക്ഷേത്രത്തിൽ നിന്നും നിരവധി വാഹനങ്ങളുടെ അകമ്പടിയോടുകൂടി വിഗ്രഹ ഘോഷയാത്ര ആരംഭിക്കും. വഴിയിലുടനീളം സ്വീകരണങ്ങൾ ഏറ്റുവാങ്ങി തളിപ്പറമ്പ് നഗരം പ്രദക്ഷിണം ചെയ്ത് വൈകുന്നേരം ആറ് മണിയോടുകൂടി തൃച്ചംബരം ശ്രീ നാരായണ ഗുരു മന്ദിരത്തിൽ ഘോഷയാത്ര എത്തിച്ചേരും.
ഈ വിഗ്രഹം നിർമ്മിച്ച് സമർപ്പിക്കുന്ന മൊട്ടമ്മൽ രാജൻ പൂജാദി കർമ്മങ്ങൾക്കായി പ്രതിഷ്ഠാചാര്യൻ ശിവഗിരി മഠത്തിലെ ബ്രഹ്മശ്രീ സത്യാനന്ദതീർത്ഥ സ്വാമികൾക്ക് കൈമാറും. തുടർന്ന് സുന്ദരേശ്വര ക്ഷേത്ര മേൽശാന്തി സുരേഷ് ശാന്തിയുടെ നേതൃത്വത്തിൽ പൂജാദി കർമ്മങ്ങൾ നടക്കും. മെയ് ഒന്നിന് പുലർച്ചെ 2.22 നും 3.15 നും ഇടയിലുള്ള ശുഭ മുഹൂർത്തത്തിൽ തൃച്ചംബരം ശ്രീ നാരായണ ഗുരു മന്ദിരത്തിൽ വിഗ്രഹം പ്രതിഷ്ഠിക്കും.
മെയ് ഒന്നിന് വൈകുന്നേരം മൂന്ന് മണിക്ക് ഗുരു മന്ദിര പരിസരത്ത് നടക്കുന്ന സാംസ്കാരിക സമ്മേളനത്തിൽ അഡ്വ. എ.കെ. ബാലഗോപാലൻ അധ്യക്ഷത വഹിക്കും. അരയാക്കണ്ടി സന്തോഷ് സമ്മേളനം ഉദ്ഘാടനം ചെയ്യും.
ചടങ്ങിൽ തളിപ്പറമ്പ് മുൻസിപ്പൽ ചെയർപേഴ്സൺ മുർഷിദ കോങ്ങായി, വൈസ് ചെയർമാൻ കല്ലിങ്കിൽ പത്മനാഭൻ, ശിവഗിരി മഠത്തിലെ ബ്രഹ്മശ്രീ സത്യാനന്ദതീർത്ഥ സ്വാമികൾ, ബ്രഹ്മശ്രീ പ്രേമാനന്ദ സ്വാമികൾ, പത്മശ്രീ നാരായണ പെരുവണ്ണാൻ, മൊട്ടമ്മൽ രാജൻ, കെ. പ്രഭാകരൻ, ഡോ. ഹരിപ്രസാദ്, ചെറു വീട്ടിൽ വാസന്തി, കെ.കെ. ധനേന്ദ്രൻ, പി.ആർ. ഭരതൻ, സി.വി. ഗിരീശൻ, കെ.പി. ബാലകൃഷ്ണൻ, പി.പി. ജയകുമാർ, നിഷ.കെ, കെ.എസ്. റിയാസ്, പി. രാമദാസ്, ടി.പി. ഖാലിദ് തുടങ്ങിയ പ്രമുഖ വ്യക്തികൾ പങ്കെടുക്കും.
ഈ പുണ്യവാർത്ത എല്ലാവരിലേക്കും എത്തിക്കുക, നിങ്ങളുടെ അഭിപ്രായങ്ങളും പങ്കുവെക്കുക.
Summary: A Panchaloha idol of Sree Narayana Guru will be consecrated at the Thrichambaram Sree Narayana Guru Mandiram as part of the 20th anniversary celebrations of the Thrichambaram Sree Narayana Kalakshetram in Taliparamba. The idol procession will begin on April 30th, and the consecration will take place on May 1st.
#SreeNarayanaGuru, #Taliparamba, #IdolConsecration, #KeralaCulture, #SpiritualNews
