കണ്ണൂർ: (KVARTHA) യൂട്യൂബ് നോക്കി സ്വയം ഭക്ഷണക്രമീകരണം നടത്തിയതിനെ തുടർന്ന് വിദ്യാർത്ഥിനി മരിച്ചു. മെരുവമ്പായി ഹെൽത്ത് സെന്ററിന് സമീപം കൈതേരികണ്ടി വീട്ടിൽ എം ശ്രീനന്ദ (18) ആണ് മരിച്ചത്. വണ്ണം കൂടുതലാണെന്ന ധാരണയിൽ കുറച്ചുനാളായി ശ്രീനന്ദ ഭക്ഷണത്തിന്റെ അളവ് കുറച്ചിരുന്നു. ഇത് ആരോഗ്യപ്രശ്നങ്ങൾക്ക് കാരണമായി എന്നാണ് വിവരം.

ആദ്യം മെരുവമ്പായി ഹെൽത്ത് സെന്ററിൽ ചികിത്സ തേടിയ ശ്രീനന്ദയെ പിന്നീട് തലശ്ശേരി സഹകരണ ആശുപത്രിയിലെ അത്യാഹിത വിഭാഗത്തിൽ പ്രവേശിപ്പിച്ചു. നില ഗുരുതരമായതിനെ തുടർന്ന് കോഴിക്കോട് മെഡിക്കൽ കോളേജിലേക്കും കൊണ്ടുപോയിരുന്നു. എന്നാൽ ജീവൻ രക്ഷിക്കാനായില്ല.

മട്ടന്നൂർ പഴശ്ശിരാജാ എൻ.എസ്.എസ്. കോളേജിലെ ഒന്നാം വർഷ ബിരുദ വിദ്യാർത്ഥിനിയായിരുന്നു ശ്രീനന്ദ. യൂട്യൂബ് വീഡിയോകൾ കണ്ടാണ് ശ്രീനന്ദ സ്വയം ഡയറ്റ് ചെയ്യാൻ തുടങ്ങിയതെന്ന് ബന്ധുക്കൾ പറയുന്നു. ഡോക്ടറുടെ നിർദ്ദേശമില്ലാതെ സ്വന്തം ഇഷ്ടപ്രകാരം ഡയറ്റ് ചെയ്യുന്നത് അപകടകരമാണെന്ന് ആരോഗ്യവിദഗ്ധർ മുന്നറിയിപ്പ് നൽകുന്നു.

ഈ വാർത്ത പങ്കുവെക്കാനും അഭിപ്രായങ്ങൾ രേഖപ്പെടുത്താനും മറക്കരുത്.

A student in Kannur died after self-dieting based on YouTube videos. The 18-year-old reduced her food intake, leading to health issues. Health experts warn against unadvised dieting.

#YouTubeDiet #Kannur #StudentDeath #HealthWarning #KeralaNews #DietRisk