Obituary | കണ്ണൂരില്‍ നിര്‍ത്തിയിട്ട ടൂറിസ്റ്റ് ബസിന് പുറകില്‍ ബൈക് ഇടിച്ച് യുവാവ് മരിച്ചു

കണ്ണൂര്‍: (KVARTHA) കണ്ണൂര്‍ നഗരത്തിലെ താണ ബസ് സ്റ്റോപ്പിന് സമീപം നിര്‍ത്തിയിട്ട ടൂറിസ്റ്റ് ബസിന് പിന്നില്‍ ബൈകിടിച്ച് യുവാവ് മരിച്ചു. സഹയാത്രികന് ഗുരുതരമായി പരുക്കേറ്റു. പയ്യാമ്പലം റെഡ് ക്രോസ് റോഡിലെ ശാബി റാസില്‍ കെ അബ്ദുല്‍ ബാസിതാണ്(21) മരിച്ചത്. കൂടെയുണ്ടായിരുന്ന റബീഹിനെ(16) ഗുരുതരമായ പരുക്കുകളോടെ കണ്ണൂരിലെ ആശുപത്രിയില്‍ പ്രവേശിപ്പിച്ചു.

വെളളിയാഴ്ച പുലര്‍ചെ 1.40-നാണ് അപകടമുണ്ടായത്. തലശേരി ഭാഗത്തു നിന്നും കണ്ണൂരിലേക്ക് പോവുകയായിരുന്ന ബൈക് നിയന്ത്രണം വിട്ട് നിര്‍ത്തിയിട്ട ടൂറിസ്റ്റ് ബസിന് പുറകില്‍ ഇടിക്കുകയായിരുന്നു. അതീവ ഗുരുതരമായി പരുക്കേറ്റ ബാസിതിനെ ഉടന്‍തന്നെ സ്ഥലത്തുണ്ടായിരുന്നവരും പൊലീസും ചേര്‍ന്ന് അടുത്തുളള ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.