ഭൂ­മി­ദാ­ന­ക്കേ­സ്: വി.എ­സി­നെ ഒ­ഴി­വാക്കി­യ വി­ധി­ക്ക് പി­ന്നാ­ലെ സ്റ്റേ

കൊ­ച്ചി: കേരള രാ­ഷ്ട്രീ­യ­ത്തില്‍ ഏ­റെ വി­വാ­ദം ഉ­യര്‍ത്തിയ ഭൂമിദാനക്കേസില്‍ പ്രതിപക്ഷ നേതാവ് വി.എസ് അച്യുതാനന്ദനെ പ്ര­തിസ്ഥാനത്തു നിന്ന് ഒഴിവാ­ക്കി­യ­ ന­ട­പ­ടി­ക്ക് സ്റ്റേ. അ­ച്യു­താ­നന്ദ­നെ കു­റ്റ­വി­മു­ക്ത­നാക്കിയ സിംഗിള്‍ ബെ­ഞ്ച് കോടതി വി­ധി­യാണ് ഹൈക്കോടതി ഡിവിഷന്‍ ബെ­ഞ്ച് മ­ണി­ക്കൂ­റു­കള്‍ക്കകം സ്‌റ്റേ ചെ­യ്­തത്. പ്ര­തിസ്ഥാനത്തു നിന്ന് വി.എസിനെ ഒഴിവാക്കിയതിനെതിരെ സര്‍ക്കാര്‍ നല്‍കിയ അപ്പീല്‍ പരിഗണി­ച്ചാ­ണ് ഹൈ­ക്കോടതി നടപ­ടി.

വി.എസിന്റെ അഭിഭാഷ­കന്‍ വി­യോ­ജി­പ്പ് പ്ര­ക­ടി­പ്പി­ച്ച­തി­നെതു­ടര്‍ന്ന് അ­പ്പീ­ലില്‍ തീര്‍­പ് കല്‍പി­ക്കുംവരെ കേസില്‍ അ­ച്യു­താ­ന­ന്ദ­നെ­തിരെ കുറ്റപത്രം സ­മര്‍പി­ക്കുന്നത് ഡിവിഷന്‍ ബെഞ്ച് തടഞ്ഞു. ചീഫ് ജസ്റ്റിസ് മഞ്ജുള ചെല്ലൂരും ജസ്റ്റിസ് എ.എം. സിദ്ദിഖും ഉള്‍­പെട്ട ഡിവിഷന്‍ ബെഞ്ചാ­ണ് സര്‍­ക്കാര്‍ നല്‍കിയ അപ്പീല്‍ പരിഗണിച്ചത്.

കേസ് ഡയറി പരിശോധിക്കാതെയാണ് വി.എ­സി­നെ ഭൂ­മി­ദാ­ന­ക്കേ­സില്‍ പ്രതിസ്ഥാനത്തു നിന്ന് ഒഴിവാക്കിയതെന്ന് അഡ്വക്കറ്റ് ജനറല്‍ വാദിച്ചു. കേസ് റദ്ദാക്കണമെന്നാവശ്യപ്പെട്ട് അഞ്ചാം പ്ര­തിയും അ­ച്യു­താ­നന്ദ­ന്റെ ബ­ന്ധു­വുമായ വി.കെ. സോമന്‍ സ­മര്‍പിച്ച ഹര്‍ജി മറ്റൊരു സിംഗിള്‍ ബെഞ്ച് നിരസിച്ചതു പരിഗണിക്കാതെയാണ് വി.എസിനെതിരായ കേസ് റദ്ദാക്കിയതെന്ന് അപ്പീലില്‍ ചൂണ്ടിക്കാട്ടിയിരുന്നു.

വി.എസിനെതിരെ നിരവധി സാക്ഷിമൊഴികളും രേഖ­കളും നി­ല­വി­ലുണ്ട്. അവ പരിശോധിക്കാതെ­യാ­ണ് വി.എ­സിനെ പ്രതിസ്ഥാനത്തുനിന്ന് ഒഴിവാക്കിയതെന്നും അഡ്വ. ജ­ന­റല്‍ കോ­ട­തില്‍ വാദിച്ചു. കേസില്‍ അന്തിമ റിപോര്‍ട്ട് സമര്‍പ്പിക്കാനിരിക്കെ വി.എസിനെ പ്ര­തിസ്ഥാനത്തു നിന്നൊഴിവാക്കിയത് നിയമപര­മ­ല്ലെന്ന് സര്‍ക്കാര്‍ ചൂണ്ടിക്കാ­ട്ടി­യി­രുന്നു.

ഭൂ­മി­ദാ­ന­ക്കേ­സില്‍ വി.എ­സി­നെ പ്ര­തി­സ്ഥാ­ന­ത്തു­നി­ന്ന് ഒ­ഴി­വാക്കി­യ വി­ധിക്ക് തൊ­ട്ടു­പി­ന്നാ­ലെ­വ­ന്ന സ്റ്റേ രാ­ഷ്ട്രീ­യ കേ­ന്ദ്ര­ങ്ങ­ളില്‍ ചര്‍­ച്ച­യ്­ക്ക് വ­ഴി­വെച്ചു.

Keywords: V.S Achuthanandan, Stay order, Court Order, High Court of Kerala, Report, Kerala, Case, Justice, Kochi, Malayalam News, Kerala vartha.