തിരുവനന്തപുരം: (KVARTHA) കേരള സംസ്ഥാന യുവജന കമ്മീഷൻ സംഘടിപ്പിക്കുന്ന സംസ്ഥാനതല ചെസ്സ് മത്സരം 2025 ജനുവരി 4 ന് കണ്ണൂരിൽ വച്ച് നടക്കും. ദേശീയ യുവജന ദിനാഘോഷത്തോടനുബന്ധിച്ച് സംഘടിപ്പിക്കുന്ന ഈ മത്സരം 18 മുതൽ 40 വയസ്സ് വരെയുള്ള ചെസ്സ് പ്രേമികൾക്ക് പങ്കെടുക്കാം.

ആകർഷകമായ സമ്മാനങ്ങൾ

മത്സരത്തിൽ ഒന്നാം സ്ഥാനക്കാരന് 15,000 രൂപയും, രണ്ടാം സ്ഥാനക്കാരന് 10,000 രൂപയും, മൂന്നാം സ്ഥാനക്കാരന് 5000 രൂപയും ട്രോഫിയും ലഭിക്കും. വിജയികൾക്ക് സമ്മാനങ്ങൾ ദേശീയ യുവജന ദിനാഘോഷ ചടങ്ങിൽ വിതരണം ചെയ്യും.

എങ്ങനെ പങ്കെടുക്കാം?

മത്സരത്തിൽ പങ്കെടുക്കാൻ 18 നും 40 നും ഇടയിൽ പ്രായമുള്ള യുവജനങ്ങൾ ഫോട്ടോയും ഫിഡെ റേറ്റിംഗും ഉൾപ്പെടെയുള്ള വിശദമായ ബയോഡേറ്റ ഡിസംബർ 31നു മുൻപ് official(dot)ksyc@gmail(dot)com എന്ന ഇമെയിൽ വിലാസത്തിലോ, വികാസ് ഭവനിലുള്ള കമ്മീഷൻ ഓഫീസിൽ തപാൽ മുഖേനയോ (കേരള സംസ്ഥാന യുവജന കമ്മീഷൻ, വികാസ് ഭവൻ, പി.എം. ജി, തിരുവനന്തപുരം -33), നേരിട്ടോ നൽകാവുന്നതാണ്.  

കൂടുതൽ വിവരങ്ങൾക്ക് കമ്മീഷനുമായിബന്ധപ്പെടുക (ഫോൺ 0471-2308630)

ഈ അവസരം മുതലാക്കി നിങ്ങളുടെ ചെസ്സ് കഴിവുകൾ പ്രകടിപ്പിക്കൂ!

#ChessTournament #YouthEvent #NationalYouthDay #KeralaChess #Kannur #KeralaYouth