Attack | മലയണ്ണാന്റെ ആക്രമണത്തിൽ യുവാവിന് പരുക്ക്; സംഭവം കൊല്ലത്ത്
Updated: Oct 19, 2024, 00:16 IST
Representational image generated by Gemini AI
ADVERTISEMENT
● പിടികൂടാനുള്ള അടിയന്തര നടപടികൾ സ്വീകരിച്ചിട്ടുണ്ടെന്ന് അധികൃതർ.
● പ്രദേശവാസികൾ കൂടുതൽ ആശങ്കയിൽ.
കൊല്ലം: (KVARTHA) മലയണ്ണാന്റെ ആക്രമണത്തിൽ യുവാവിന് പരുക്കേറ്റു. ചോഴിയക്കോട് മിൽപ്പാലം പണയിൽ വീട്ടിൽ അബിൻ ആണ് മലയണ്ണാന്റെ ആക്രമണത്തിൽ പരിക്കേറ്റ് ചികിത്സ തേടിയത്. വീടിന്റെ മുൻവശത്തെ പൈപ്പിൽ നിന്നും വെള്ളമെടുക്കുന്നതിനിടെയാണ് അപ്രതീക്ഷിതമായി മലയണ്ണാൻ ദേഹത്ത് ചാടിവീണത്. ഒരാഴ്ചയായി പ്രദേശത്തെ നിവാസികളെ ഭീതിയിലാക്കിയിരുന്ന ഈ മലയണ്ണാൻ, ഇപ്പോൾ നേരിട്ട് ആക്രമണത്തിന് ഇറങ്ങിയതോടെ പ്രദേശവാസികൾ കൂടുതൽ ആശങ്കയിലാണ്.
നാട്ടുകാരുടെ പരാതിയെ തുടർന്ന് കുളത്തുപ്പുഴ വനം വകുപ്പ് അധികൃതർ സ്ഥലത്തെത്തി. മലയണ്ണാനെ പിടികൂടാനുള്ള അടിയന്തര നടപടികൾ സ്വീകരിച്ചിട്ടുണ്ടെന്ന് അധികൃതർ അറിയിച്ചു.
#squirrelattack #kerala #malabargiantsquirrel #wildlifenews #forest #injury #localnews
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
