Special inspection | 547 സ്ഥാപനങ്ങളില് ഭക്ഷ്യ സുരക്ഷാ വകുപ്പിന്റെ പ്രത്യേക പരിശോധന; അടപ്പിച്ചത് 48 എണ്ണം
Jan 4, 2023, 20:07 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com) സംസ്ഥാന വ്യാപകമായി ബുധനാഴ്ച 547 സ്ഥാപനങ്ങളില് ഭക്ഷ്യ സുരക്ഷാ വകുപ്പ് പരിശോധന നടത്തിയതായി ആരോഗ്യ വകുപ്പ് മന്ത്രി വീണാ ജോര്ജ്. വൃത്തിഹീനമായി പ്രവര്ത്തിച്ച 18 സ്ഥാപനങ്ങളുടേയും ലൈസന്സ് ഇല്ലാതിരുന്ന 30 സ്ഥാപനങ്ങളുടേയും ഉള്പ്പെടെ 48 സ്ഥാപനങ്ങളുടെ പ്രവര്ത്തനം നിര്ത്തി വയ്പ്പിച്ചു. 142 സ്ഥാപനങ്ങള്ക്ക് നോടീസ് നല്കി. ശക്തമായ പരിശോധന ഇനിയും തുടരുമെന്നും മന്ത്രി പറഞ്ഞു.
സംസ്ഥാനത്ത് ഭക്ഷ്യ സുരക്ഷ ഉറപ്പാക്കുന്നതിന് ഭക്ഷ്യ സുരക്ഷാ വകുപ്പ് വലിയ പ്രവര്ത്തനങ്ങളാണ് നടത്തിവരുന്നത്. നല്ല ഭക്ഷണം നാടിന്റെ അവകാശം കാംപെയ് ന്റെ ഭാഗമായി ഓപറേഷന് ഷവര്മ, ഓപറേഷന് മത്സ്യ, ഓപറേഷന് ജാഗറി, ഓപറേഷന് ഓയില്, ഓപറേഷന് ഹോളിഡേ തുടങ്ങിയവ ആവിഷ്ക്കരിച്ച് നടപ്പിലാക്കി.
ഷവര്മ മാര്ഗനിര്ദേശം പുറത്തിറക്കി. വിവിധ ഓപറേഷനുകളിലൂടെ സംസ്ഥാനത്താകെ കഴിഞ്ഞ ജൂലൈ മാസം മുതല് ഡിസംബര് മാസം വരെ 46,928 പരിശോധനകള് നടത്തി. 9,248 സ്ഥാപനങ്ങള്ക്ക് നോടീസ് നല്കി. 97.60 ലക്ഷം രൂപ പിഴ ഈടാക്കി. നിയമ നടപടികളുടെ ഭാഗമായി 149 സ്ഥാപനങ്ങള് അടപ്പിച്ചു. ഭക്ഷ്യ സുരക്ഷാ വകുപ്പിന്റെ നിരന്തര ഇടപെടലിലൂടെ കഴിഞ്ഞ ആറു മാസ കാലയളവിനുള്ളില് 82,406 സ്ഥാപനങ്ങള്ക്ക് രെജിസ്ട്രേഷനും 18,037 സ്ഥാപനങ്ങള്ക്ക് ലൈസന്സും ലഭ്യമാക്കിയെന്നും മന്ത്രി അറിയിച്ചു.
Keywords: Special inspection by Food Safety Department in 547 establishments; 48 were closed, Thiruvananthapuram, News, Health, Health and Fitness, Health Minister, Inspection, Food, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
