Campaign | വയനാട്ടില് പ്രിയങ്ക ഗാന്ധിയുടെ തിരഞ്ഞെടുപ്പ് പ്രചാരണത്തിന് ശക്തി പകരാന് രാഹുലിനൊപ്പം സോണിയ ഗാന്ധിയും എത്തും; ലക്ഷ്യം കഴിഞ്ഞ തവണത്തേക്കാള് വോട്ട് നേടുക എന്നത്
Campaign | വയനാട്ടില് പ്രിയങ്ക ഗാന്ധിയുടെ തിരഞ്ഞെടുപ്പ് പ്രചാരണത്തിന് ശക്തി പകരാന് രാഹുലിനൊപ്പം സോണിയ ഗാന്ധിയും എത്തും; ലക്ഷ്യം കഴിഞ്ഞ തവണത്തേക്കാള് വോട്ട് നേടുക എന്നത്
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
● നാമനിര്ദ്ദേശ പത്രിക സമര്പ്പണത്തിനും മൂന്നുപേരും ഒപ്പമുണ്ടാകും
● ദേശീയ നേതാക്കള് അടുത്ത മാസം ആദ്യം ജില്ലയില് എത്തും
● പ്രിയങ്ക 10 ദിവസം തുടര്ച്ചയായി വയനാട്ടില് പ്രചാരണത്തിനുണ്ടാകും
തിരുവനന്തപുരം: (KVARTHA) വയനാട്ടില് പ്രിയങ്ക ഗാന്ധിയുടെ തിരഞ്ഞെടുപ്പ് പ്രചാരണത്തിന് ശക്തി പകരാന് രാഹുലിനൊപ്പം സോണിയ ഗാന്ധിയും എത്തും. പ്രിയങ്കയുടെ കന്നി മത്സരത്തില് പ്രചാരണം നടത്താനാണ് സോണിയ വയനാട്ടിലെത്തുന്നത്. പ്രിയങ്കയ്ക്കൊപ്പം രാഹുല് ഗാന്ധി എത്തുമെന്ന് കഴിഞ്ഞദിവസം തന്നെ കേരളത്തിലെ നേതാക്കള്ക്ക് അറിയിപ്പ് ലഭിച്ചിരുന്നു.
മറ്റന്നാളാണ് മൂന്നുപേരും വയനാട്ടിലെത്തുന്നത്. കല്പറ്റയില് സ്ഥാനാര്ഥിയുടെ റോഡ് ഷോയില് മൂന്നുപേരും പങ്കെടുക്കും. നാമനിര്ദ്ദേശ പത്രിക സമര്പ്പണത്തിനും പ്രിയങ്കയുടെ കൂടെ ഉണ്ടാകും. വര്ഷങ്ങള്ക്ക് ശേഷമാണ് സോണിയ ഗാന്ധി കേരളത്തില് എത്തുന്നത്. പ്രിയങ്ക 10 ദിവസം തുടര്ച്ചയായി വയനാട്ടില് പ്രചാരണത്തിനുണ്ടാകുമെന്നാണ് വിവരം.
രാഹുല് ഗാന്ധിക്ക് ലഭിച്ചതിനേക്കാള് കൂടുതല് വോട്ടുകള് ഇത്തവണ ലഭിക്കണമെന്നാണ് പ്രവര്ത്തകരുടെ ആഗ്രഹം. അതുകൊണ്ടുതന്നെ പ്രചാരണം ഉഷാറാക്കാന് തന്നെയാണ് തീരുമാനം. ദേശീയ നേതാക്കള് പ്രചാരണത്തിനായി അടുത്ത മാസം ആദ്യം തന്നെ ജില്ലയില് എത്തുമെന്നും സൂചനയുണ്ട്.
#PriyankaGandhi #SoniaGandhi #WayanadCampaign #Congress
