Covid | കോവിഡ് കേസുകളില് നേരിയ വര്ധന; ജില്ലകള്ക്ക് ജാഗ്രതാ നിര്ദേശം; മറ്റ് രോഗങ്ങളുള്ളവര്, കുട്ടികള്, പ്രായമായവര്, ഗര്ഭിണികള്, ആശുപത്രികളില് എത്തുന്നവര് തുടങ്ങി എല്ലാവരും നിര്ബന്ധമായും മാസ്ക് ധരിക്കണം: മന്ത്രി വീണാ ജോര്ജ്
Mar 22, 2023, 14:43 IST
ADVERTISEMENT
തിരുവനന്തപുരം: (www.kvartha.com) സംസ്ഥാനത്ത് കോവിഡ് കേസുകളില് നേരിയ വര്ധനവെന്ന് ആരോഗ്യ വകുപ്പ് മന്ത്രി വീണാ ജോര്ജ്. ചൊവ്വാഴ്ച 172 കേസുകളാണ് റിപോര്ട് ചെയ്തത്. തിരുവനന്തപുരം, എറണാകുളം ജില്ലകളിലാണ് കോവിഡ് കേസുകള് ഏറ്റവും കൂടുതല് റിപോര്ട് ചെയ്തിരിക്കുന്നത്. ആകെ 1026 കോവിഡ് ആക്ടീവ് കേസുകളാണുള്ളത്. 111 പേരാണ് ആശുപത്രികളില് ചികിത്സയിലുള്ളത്. എല്ലാ ജില്ലകള്ക്കും ജാഗ്രതാ നിര്ദേശം നല്കിയിട്ടുണ്ട്. നിരീക്ഷണം ശക്തിപ്പെടുത്താന് മന്ത്രി നിര്ദേശം നല്കി.
സംസ്ഥാനത്തെ കോവിഡ് സ്ഥിതി വിലയിരുത്തുന്നതിന് മന്ത്രി വീണാ ജോര്ജിന്റെ നേതൃത്വത്തില് ഉന്നതതല യോഗം ചേര്ന്നു. ദിവസവും കോവിഡ് കേസുകള് ആരോഗ്യ വകുപ്പ് അവലോകനം ചെയ്തു വരുന്നു. സംസ്ഥാനത്ത് കോവിഡ് ക്ലസ്റ്ററുകള് രൂപപ്പെട്ടിട്ടില്ല. ആശുപത്രി സജ്ജീകരണങ്ങള്ക്കായി ജില്ലകളും ആശുപത്രികളും സര്ജ് പ്ലാന് തയാറാക്കണമെന്നും മന്ത്രി പറഞ്ഞു.
കോവിഡ് രോഗികള് വര്ധിക്കുന്നത് മുന്നില് കണ്ട് ഐസിയു, വെന്റിലേറ്റര് ആശുപത്രി സംവിധാനങ്ങള് തുടങ്ങിയവ കൂടുതല് മാറ്റിവയ്ക്കാനും മന്ത്രി നിര്ദേശം നല്കി. പുതിയ വകഭേദം വന്നിട്ടുണ്ടോയെന്നറിയാന് ജിനോമിക് പരിശോധനകള് വര്ധിപ്പിക്കും. മെഡികല് കോളജുകളില് കോവിഡ് രോഗികളുടെ എണ്ണം കൂടിയിട്ടില്ല. ആവശ്യമായ പരിശോധന കിറ്റുകളും മരുന്നുകളും സജ്ജമാക്കാന് കെ എം എസ് സി എലിന് നിര്ദേശം നല്കി.
കോവിഡ് പുതിയ വകഭേദത്തിന് വ്യാപനശേഷി കൂടുതലാണ്. അതിനാല് സ്വയം പ്രതിരോധമാണ് ഏറ്റവും പ്രധാനം. കോവിഡ് പ്രതിരോധത്തിന് മാസ്ക് ധരിക്കേണ്ടതാണ്. മറ്റ് രോഗമുള്ളവരും, പ്രായമായവരും, കുട്ടികളും, ഗര്ഭിണികളും പ്രത്യേകം ശ്രദ്ധിക്കണം. അവര് പൊതുസ്ഥലങ്ങളില് പോകുമ്പോള് മാസ്ക് കൃത്യമായി ധരിക്കണം. ആശുപത്രികളില് എത്തുന്നവരെല്ലാവരും നിര്ബന്ധമായും മാസ്ക് ധരിക്കണമെന്നും മന്ത്രി നിര്ദേശിച്ചു.
Keywords: Slight increase in Covid cases; Alert to districts, Thiruvananthapuram, News, Health, Health and Fitness, Health Minister, Warning, COVID-19, Kerala.
സംസ്ഥാനത്തെ കോവിഡ് സ്ഥിതി വിലയിരുത്തുന്നതിന് മന്ത്രി വീണാ ജോര്ജിന്റെ നേതൃത്വത്തില് ഉന്നതതല യോഗം ചേര്ന്നു. ദിവസവും കോവിഡ് കേസുകള് ആരോഗ്യ വകുപ്പ് അവലോകനം ചെയ്തു വരുന്നു. സംസ്ഥാനത്ത് കോവിഡ് ക്ലസ്റ്ററുകള് രൂപപ്പെട്ടിട്ടില്ല. ആശുപത്രി സജ്ജീകരണങ്ങള്ക്കായി ജില്ലകളും ആശുപത്രികളും സര്ജ് പ്ലാന് തയാറാക്കണമെന്നും മന്ത്രി പറഞ്ഞു.
കോവിഡ് രോഗികള് വര്ധിക്കുന്നത് മുന്നില് കണ്ട് ഐസിയു, വെന്റിലേറ്റര് ആശുപത്രി സംവിധാനങ്ങള് തുടങ്ങിയവ കൂടുതല് മാറ്റിവയ്ക്കാനും മന്ത്രി നിര്ദേശം നല്കി. പുതിയ വകഭേദം വന്നിട്ടുണ്ടോയെന്നറിയാന് ജിനോമിക് പരിശോധനകള് വര്ധിപ്പിക്കും. മെഡികല് കോളജുകളില് കോവിഡ് രോഗികളുടെ എണ്ണം കൂടിയിട്ടില്ല. ആവശ്യമായ പരിശോധന കിറ്റുകളും മരുന്നുകളും സജ്ജമാക്കാന് കെ എം എസ് സി എലിന് നിര്ദേശം നല്കി.
Keywords: Slight increase in Covid cases; Alert to districts, Thiruvananthapuram, News, Health, Health and Fitness, Health Minister, Warning, COVID-19, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
