Siddharth's Death | സിദ്ധാര്ഥിന്റെ മരണം: കേസ് അന്വേഷണം സി ബി ഐക്ക് വിട്ടു
Mar 9, 2024, 12:21 IST
ADVERTISEMENT
തിരുവനന്തപുരം: (KVARTHA) പൂക്കോട് വെറ്ററിനറി സര്വകലാശാലയിലെ രണ്ടാംവര്ഷ ബിരുദ വിദ്യാര്ഥി സിദ്ധാര്ഥിന്റെ മരണത്തില് കേസ് അന്വേഷണം സി ബി ഐക്ക് വിട്ടു. സിദ്ധാര്ഥിന്റെ പിതാവും ബന്ധുക്കളും ശനിയാഴ്ച രാവിലെ ഓഫീസിലെത്തി മുഖ്യമന്ത്രി പിണറായി വിജയനെ കണ്ട് സംസാരിച്ചിരുന്നു.
തുടര്ന്ന് കേസ് അന്വേഷണം സിബിഐക്ക് വിടണം എന്ന് കുടുംബം മുഖ്യമന്ത്രിയോട് അഭ്യര്ഥിച്ചു. ഇതു സംബന്ധിച്ച നിവേദനവും സിദ്ധാര്ഥിന്റെ മാതാവ് മുഖ്യമന്ത്രിക്ക് നല്കി. കുടുംബത്തിന്റെ വികാരം മാനിച്ചാണ് കേസ് അന്വേഷണം സിബിഐക്ക് വിടാന് തീരുമാനിച്ചതെന്ന് മുഖ്യമന്ത്രി അറിയിച്ചു.
കേസില് പൊലീസ് അന്വേഷണം നടന്നു വരികയാണ്. കുറ്റമറ്റതും നീതിപൂര്വകവുമായ അന്വേഷണത്തിലൂടെ എല്ലാ പ്രതികളെയും ഇതിനകം തന്നെ അറസ്റ്റ് ചെയ്തിട്ടുണ്ട്. സിദ്ധാര്ഥിന്റെ ദൗര്ഭാഗ്യകരമായ മരണം നാടിനെയാകെ ദുഃഖത്തില് ആഴ്ത്തിയതാണെന്നും മുഖ്യമന്ത്രി പറഞ്ഞു.
Keywords: Siddharth's death: Case investigation handed over to CBI, Thiruvananthapuram, News, Siddharth's Death, Investigation, CBI, Chief Minister, Pinarayi Vijayan, Family, Visit, Kerala News
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
