കോഴിക്കോട്: (KVARTHA) കുണ്ടായിത്തോട് സ്കൂൾ വാനിൽ നിന്നിറങ്ങിയ രണ്ടാം ക്ലാസുകാരി അതേ വാഹനം ഇടിച്ച് മരിച്ചു. ചെറുവണ്ണൂർ വെസ്റ്റ് എ.എൽ.പി. സ്കൂളിലെ വിദ്യാർഥിനിയായ സൻഹ മറിയം (എട്ട്) ആണ് ദാരുണമായി മരിച്ചത്.

നല്ലളം കിഴ് വനപാടം വി.പി. അഫ്സലിൻ്റെ (നല്ലളം സൗത്ത് ശാഖ മുസ്ലിം യൂത്ത് ലീഗ് ജനറൽ സെക്രട്ടറി) മകളാണ് മരിച്ച സൻഹ മറിയം. കുട്ടിയെ വീടിന് സമീപം ഇറക്കിയ ശേഷം വാഹനം പിന്നോട്ടെടുക്കുമ്പോഴായിരുന്നു അപകടം. കുട്ടിയുടെ ദേഹത്തുകൂടി വാൻ കയറിയിറങ്ങിയതായാണ് വിവരം. കുട്ടി സംഭവസ്ഥലത്തുവെച്ചുതന്നെ മരിച്ചു.

മാതാവ്: സുമയ്യ. സഹോദരങ്ങൾ: റബീഹ്, യസീദ്.

സ്കൂൾ വാനിൽ നിന്ന് ഇറങ്ങിയ ഉടനെ കുട്ടി വാഹനത്തിൻ്റെ പിന്നിലേക്ക് മാറിയത് ആരും ശ്രദ്ധിച്ചില്ല. വാഹനം പിന്നോട്ടെടുത്തപ്പോൾ കുട്ടി അതിനടിയിൽ പെടുകയായിരുന്നുവെന്ന് ദൃക്സാക്ഷികൾ പറഞ്ഞു. സംഭവസ്ഥലത്ത് ഉടൻ തന്നെ ആളുകൾ ഓടിക്കൂടിയെങ്കിലും കുട്ടിയുടെ ജീവൻ രക്ഷിക്കാനായില്ല.

അപകടത്തെ തുടർന്ന് പ്രദേശത്ത് ദുഃഖം തളംകെട്ടി. സ്കൂൾ അധികൃതരും നാട്ടുകാരും സംഭവത്തിൽ അതീവ ദുഃഖം രേഖപ്പെടുത്തി. കുട്ടിയുടെ അപ്രതീക്ഷിതമായ വേർപാട് കുടുംബാംഗങ്ങളെയും സുഹൃത്തുക്കളെയും തീരാവേദനയിലാഴ്ത്തി.

A second-grade student died after being hit by her school van in Kozhikode. The accident occurred when the van reversed after dropping her off near her home. The child died at the scene, and the incident has caused deep sorrow in the community.

#SchoolVanAccident #ChildDeath #Kozhikode #RoadSafety #TragicAccident #KeralaNews