Police Security | ശബരിമല മണ്ഡല -മകരവിളക്ക് തീര്ഥാടനം: ഒരുക്കങ്ങള് തുടങ്ങി; സുരക്ഷ ഒരുക്കാന് 13,000 പൊലീസുകാര്
Nov 14, 2022, 18:04 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
പത്തനംതിട്ട: (www.kvartha.com) ശബരിമലയില് ഇനി ഭക്തിസാന്ദ്രമായ മണ്ഡല -മകരവിളക്ക് തീര്ഥാടനക്കാലമാണ്. അതിനായുള്ള ക്രമീകരണങ്ങള് സജ്ജമാക്കി കേരള പൊലീസ്. തീര്ഥാടകബാഹുല്യം കണക്കിലെടുത്ത് 13,000 പൊലീസുകാരെ വിന്യസിക്കും. ആകെ 13237 പൊലീസുകാര് ആണ് ഡ്യൂടിയില് ഉണ്ടാവുക. ഇവരില് 7369 സന്നിധാനത്തും 3215 പമ്പയിലും, 2653 നിലയ്ക്കലിലും ഡ്യൂടി ചെയ്യും. സ്പെഷ്യല് സെക്യൂരിറ്റി സോണായി ശബരിമലയും പരിസരവും പ്രഖ്യാപിച്ചിട്ടുണ്ട്.
ആറുഘട്ടം വരുന്ന സുരക്ഷാ പദ്ധതിക്കാണ് പൊലീസ് രൂപം നല്കിയിരിക്കുന്നത്. സന്നിധാനം, നിലയ്ക്കല്, വടശേരിക്കര എന്നിവിടങ്ങളില് താത്കാലിക പൊലീസ് സ്റ്റേഷനുകള് പ്രവര്ത്തനം ആരംഭിച്ചു. നിലയ്ക്കലിലും പമ്പയിലും വെര്ച്വല് ക്യൂ രേഖകളുടെ പരിശോധനയും പൊലീസിനാണ്.
തങ്ക അങ്കി ഘോഷയാത്ര, തിരുവാഭരണ ഘോഷയാത്ര, മകരവിളക്ക് എന്നിവയ്ക്ക് പ്രത്യേകമായി കൂടുതല് പൊലീസിനെ വിന്യസിക്കും. കോവിഡിന് ശേഷമുള്ള തീര്ഥാടനമായതിനാല് ഭക്തരുടെ സുരക്ഷയ്ക്കൊപ്പം ട്രാഫിക് ലംഘനങ്ങളും അപകടവും ഉണ്ടാകാതിരിക്കാന് ബൈക്, മൊബൈല് പട്രോളിംഗ് എന്നിവ ഉണ്ടാകും.
സന്നിധാനം, പമ്പ എന്നിവിടങ്ങളിലായി 24 മണിക്കൂറും 134 സിസിടിവി ക്യാമറകള് സുരക്ഷയൊരുക്കും. ഇതരസംസ്ഥാനങ്ങളില് നിന്ന് എത്തുന്ന തീര്ഥാടകരെ സഹായിക്കുന്നതിനും പ്രശ്നക്കാരെ തിരിച്ചറിയുന്നതിനും അവിടെ നിന്നുള്ള പൊലീസുകാരെ നിയോഗിക്കും.
Keywords: News,Kerala,State,Sabarimala,Sabarimala Temple,Top-Headlines,Police,security, Shabarimala Pilgrims, Sabarimala pilgrimage: 13000 policemen to provide security
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
