ദേവികുളം മുന് എംഎല്എയും മുതിര്ന്ന നേതാവുമായ എസ് രാജേന്ദ്രനെ സിപിഎം ഒരു വര്ഷത്തേക്ക് സസ്പെന്ഡ് ചെയ്തു
Jan 28, 2022, 14:57 IST
ADVERTISEMENT
തിരുവനന്തപുരം: (www.kvartha.com 28.01.2022) ദേവികുളം മുന് എംഎല്എ എസ് രാജേന്ദ്രനെ സിപിഎം സസ്പെന്ഡ് ചെയ്തു. ഒരു വര്ഷത്തേക്കാണ് സസ്പെന്ഷന് നടപടി. പാര്ടിയുടെ പ്രാഥമിക അംഗത്വത്തില് നിന്ന് സസ്പെന്ഡ് ചെയ്യാനുള്ള ശുപാര്ശ സിപിഎം സംസ്ഥാന സെക്രടറിയേറ്റ് അംഗീകരിച്ചു.
നിയമസഭാ തിരഞ്ഞെടുപ്പില് ദേവികുളം മണ്ഡലത്തിലെ തിരഞ്ഞെടുപ്പ് പ്രവര്ത്തനങ്ങളില് രാജേന്ദ്രന് വീഴ്ച വരുത്തിയതായി പാര്ടി അന്വേഷണ കമീഷന് കണ്ടെത്തിയിരുന്നു. തിരഞ്ഞെടുപ്പ് പ്രവര്ത്തനങ്ങളില് ആത്മാര്ഥമായി പ്രവര്ത്തിച്ചില്ലെന്നും പ്രചാരണങ്ങളില് നിന്നും വിട്ടുനിന്ന രാജേന്ദ്രന്, ദേവികുളത്ത് ഇടത് വോടുകള് ഭിന്നിപ്പിക്കാന് ശ്രമിക്കുകയും ചെയ്തതായും കമീഷന് കണ്ടെത്തിയിരുന്നു. ഇതേ തുടര്ന്നാണ് നടപടി.
എന്നാല് നടപടി തന്നെ അറിയിച്ചിട്ടില്ലെന്നായിരുന്നു എസ് രാജേന്ദ്രന്റെ പ്രതികരണം. ജാതിയുടെ ഭാഗമായി പാര്ടിയില് പ്രവര്ത്തിക്കാനില്ലെന്ന് താന് നേരത്തെ അറിയിച്ചതാണ്. ആശയം കൊണ്ടുനടക്കുന്നവരെല്ലാം പാര്ടി അംഗങ്ങളല്ലല്ലോ. തന്റെ പ്രവര്ത്തനശൈലിയും പെട്ടെന്ന് മാറുന്നതല്ല. എന്നും പാര്ടിക്കൊപ്പം ഉണ്ടാവുമെന്നും അദ്ദേഹം വ്യക്തമാക്കി.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
