ADVERTISEMENT
വിവാദപ്രസംഗങ്ങള്ക്കു ശേഷം ഇതാദ്യമായാണ് എം.എം.മണി പാര്ട്ടി ഓഫിസിലെത്തുന്നത്. താന് ഒരു ഒളിവിലും പോയിട്ടില്ല. സ്വന്തം വീട്ടില് തന്നെയുണ്ടായിരുന്നു. നിങ്ങളിങ്ങനെ എല്ലാം ചോദിക്കുമെന്നുള്ളതുകൊണ്ടാണ് മാറിനിന്നതെന്നും മണി മാധ്യമപ്രവര്ത്തകരോടു പറഞ്ഞു. തൊടുപുഴ പ്രസംഗത്തില് തനിക്കു തെറ്റു പറ്റിയെന്നു പാര്ട്ടി നേതൃത്വവും താനും സമ്മതിച്ചിട്ടുണ്ട്. ഇതിന്റെ പേരില് കേസെടുത്തതു യുഡിഎഫിന്റേയും പൊലീസിന്റേയും ഗൂഢാലോചനയാണ്.
വി.എസ് അച്യുതാനന്ദനുമായി ബന്ധപ്പെട്ട ചോദ്യങ്ങള്ക്ക് മറുപടി പറയില്ലെന്നും, വിഎസിന്റ കാര്യം വിഎസിനോട് പൊയി ചോദിക്കുക എന്നായിരുന്നു മണിയുടെ മറുപടി. കള്ളക്കേസില് കുടുക്കാനാണ് പരിപാടിയെങ്കില് പതിനായിരക്കണക്കിന് ജനങ്ങളെ അണിനിരത്തി നേരിടും. പി.ടി.തോമസൊക്കെ നടക്കുകയാണ് മണീനെ തൂക്കാന്. ആദ്യം നോട്ടീസ് പാര്ട്ടി ഓഫിസില് പതിപ്പിച്ചു. അതു ശരിയല്ലെന്നു തോന്നിയപ്പോള് പിന്നീടു വീട്ടില് കൊണ്ട് ഒട്ടിച്ചു.
പാര്ട്ടിക്കാരെ ആക്രമിച്ചതിനെ തുടര്ന്നാണ് ചിന്നക്കനാലില് സിപിഐക്കെതിരെ പ്രസംഗിച്ചത്. സിപിഐ സംസ്ഥാന സെക്രട്ടറി പന്ന്യന് രവീന്ദ്രന് സ്വന്തം പാര്ട്ടിയുടെ കാര്യം നോക്കിയാല് മതി. സിപിഎമ്മിന്റെ കാര്യം നോക്കാന് തങ്ങള്ക്കറിയാമെന്നും കൂട്ടിച്ചേര്ത്തു. കൂടുതല് ചോദ്യങ്ങളില് നിന്നും ഒഴിഞ്ഞുമാറിയ മണി എന്നെ ഒരു വഴിക്കാക്കിയത് നിങ്ങളാണെന്നും മാധ്യമപ്രവര്ത്തകരോടു പറഞ്ഞു.
Keywords: Ready to Resign, M.M.Mani, Idukki, CPM
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
