കണ്ണൂർ: (KVARTHA) തിരക്കിട്ട യാത്രക്കിടെ ട്രെയിനിൽ മറന്നുപോയ പത്തുപവൻ സ്വർണാഭരണങ്ങൾ അടങ്ങിയ ബാഗ് യാത്രക്കാരിക്ക് തിരികെ നൽകി കണ്ണൂർ റെയിൽവേ പൊലീസ്. ബുധനാഴ്ച ഉച്ചയ്ക്ക് 2.45ന് ഏറനാട് എക്സ്പ്രസിലാണ് സംഭവം നടന്നത്. തിരുവനന്തപുരത്ത് നിന്ന് മംഗളൂരുവിലേക്ക് പോവുകയായിരുന്ന ട്രെയിനിൽ വെച്ചാണ് യുവതിക്ക് ബാഗ് നഷ്ടപ്പെട്ടത്.

തൃശൂരിൽ നിന്നും കണ്ണൂരിലേക്ക് വരികയായിരുന്ന മൃദുല എന്ന യുവതി, ട്രെയിനിൽ ബാഗ് മറന്നുവെച്ച് ഇറങ്ങിപ്പോവുകയായിരുന്നു. ബാഗിൽ പത്തുപവൻ സ്വർണാഭരണങ്ങൾ ഉണ്ടായിരുന്നു. ഉടൻതന്നെ കണ്ണൂർ റെയിൽവേ പൊലീസ് സ്റ്റേഷനിൽ പരാതി നൽകി.

റെയിൽവേ പൊലീസ് ഉദ്യോഗസ്ഥർ ഉടൻതന്നെ തിരച്ചിൽ ആരംഭിച്ചു. ട്രെയിനിൽ ബീറ്റ് ഡ്യൂട്ടിയിലുണ്ടായിരുന്ന സുരേഷ് കക്കറയാണ് ബാഗ് കണ്ടെത്തിയത്. തുടർന്ന് മൃദുലയെ സ്റ്റേഷനിലേക്ക് വിളിച്ചുവരുത്തി ബാഗ് കൈമാറി.

മട്ടന്നൂർ ഉരുവച്ചാൽ സ്വദേശിനിയും തൃശൂർ കേരള സാഹിത്യ അക്കാദമിയിലെ എൽഡി ക്ലർക്കുമാണ് മൃദുല. റെയിൽവേ പൊലീസിന്റെ സമയോചിതമായ ഇടപെടലാണ് സ്വർണാഭരണങ്ങൾ നഷ്ടപ്പെടാതെ വീണ്ടെടുക്കാൻ സഹായിച്ചത്.

ഈ വാർത്ത പങ്കുവെക്കാനും,  അഭിപ്രായങ്ങൾ രേഖപ്പെടുത്താനും മറക്കരുത്.

Railway police in Kannur recovered a 10-pavan gold bag left behind by a passenger and returned it promptly, thanks to timely intervention.

#RailwayPolice #GoldBagRecovery #KannurNews #TimelyAction #Kerala #RailwayNews