ബ്ലേ­ഡ് പ­ലി­ശ­യു­മാ­യി ബ­ന്ധ­പ്പെട്ട പോ­ലീ­സു­കാ­രു­ടെ വീ­ടു­ക­ളില്‍ റെ­യ്ഡ്

തിരുവനന്തപുരം: പോ­ലീ­സു­കാര്‍ ഉള്‍­പെട്ട ബ്ലേഡ് പലിശക്കേ­സില്‍ പോലീസുകാരുടെയും പണമിടപാടുകാരുടെയും വീടുകളില്‍  റെ­യ്­ഡ് ന­ടത്തി. ഇ­തു­മാ­യി ബ­ന്ധ­പ്പെട്ട് പോലീസു­കാ­രുടെ വീടുകളില്‍ നിന്ന് നിരവധി രേഖകള്‍ പിടിച്ചെ­ടു­ത്തി­ട്ടുണ്ട്. ക്രൈംബ്രാഞ്ച എസ്.പി. സാം ക്രിസ്റ്റി ഡാനിയലിന്റെ നേതൃത്വത്തില്‍ ഡി.വൈ.എസ്.പിമാരും സിറ്റി പോലീസിലെ സര്‍ക്കിള്‍ ഇന്‍സ്‌­പെക്ടര്‍മാരും എസ്.ഐമാരും ചേര്‍ന്ന് കേസിലുള്‍പെട്ട പത്തുപേരുടെ വീടു­ക­ളില്‍ ഒരേ­സമയം പരിശോധന ന­ട­ത്തു­ക­യാ­യി­രുന്നു. ബുധനാഴ്ച ഉച്ചയ്ക്ക് രണ്ടുമണിയോടെ ആരംഭിച്ച പരിശോധന രാ­ത്രി­യിലും തുടര്‍ന്നു.

പേട്ട എ.എസ്.ഐ. പ്രേമന്‍, ട്രാഫിക് എ.എസ്.ഐ. സുരേഷ്, ശംഖുംമുഖം അസിസ്റ്റന്റ് കമ്മീഷണര്‍ ഓഫീസിലെ റൈറ്റര്‍ സതീഷ്, ട്രാഫിക് അസി. കമ്മീഷണറുടെ റൈറ്റര്‍ വിജയന്‍ എന്നിവര്‍ക്കു പുറമെ ബ്ലേഡ് പലിശക്കാരായ ഷാജി, ശിവപ്രസാദ്, അശോകന്‍, മധു, കുമാര്‍, മുരുകന്‍ എന്നിവരുടെ വീടുകളിലായിരുന്നു പോ­ലീ­സ് റെ­യ്­ഡ് ന­ട­ത്തിയ­ത്.

ഫോര്‍ട്ട് സി.ഐ. ഓഫീസിലെ എ.എസ്.ഐ. ആയ മോഹനന്റെ പാ­ള­യ­ത്തുള്ള ക്വാര്‍ട്ടേഴ്‌­സ് പൂട്ടിയിരുന്നതി­നാല്‍ പോ­ലീ­സിന് പരിശോധന നട­ത്താന്‍ ക­ഴി­ഞ്ഞില്ല. പോലീസുകാരുടെ വീടുകളില്‍ നിന്ന് തുക രേഖപ്പെടു­ത്താത്ത ഒപ്പിട്ട ചെക്കുകള്‍, പ്രോമിനറി നോട്ടുകള്‍, വെള്ളപ്പേപ്പറില്‍ സ്റ്റാമ്പൊട്ടിച്ച് ഒ­പ്പി­ട്ട് വാങ്ങി­യ നി­രവധി രേ­ഖ­കള്‍ എ­ന്നിവ പിടിച്ചെടുത്തിട്ടുണ്ട്.

സ്വകാര്യ പണമിടപാടുകാരുടെ വീടുകളില്‍ നടത്തിയ പരിശോധ­ന­യിലും നി­രവ­ധി രേ­ഖകള്‍ പിടിച്ചെ­ടു­ത്തി­ട്ടുണ്ട്. കേസിലെ പരാതിക്കാരനായ ഭാസ്­കര രാ­ജന്‍ പ്ര­തി­കള്‍ക്ക് നല്‍കിയ ചെക്കുകളും രേഖകളും കൂടാതെ, കൊള്ളപ്പലിശക്ക് പണം കടംകൊടുത്തതിന്റെ തെളിവായ നിരവധി ബ്ലാങ്ക് ചെക്കുകളും പ്രോമിനറി നോട്ടുകളും പോലീസ് കണ്ടെ­ടു­ത്തി­ട്ടുണ്ട്. ഈ കേസില്‍ ഉള്‍പെട്ട പതിനൊന്നുപേരെയും പോലീസ് കസ്റ്റഡിയിലെ­ടു­ത്തി­ട്ടുണ്ട്.

ക­ടം വാങ്ങി­യ പ­ണ­ത്തി­ന്റെ പലി­ശ ആ­വ­ശ്യ­പ്പെട്ട പ­രാ­തി­ക്കാരനെ ഭീഷണിപ്പെ­ടു­ത്തി­യ­തി­നാണ് അഞ്ചു പോലീസുകാര്‍ ഉള്‍പെടെ പതിനൊന്നുപേര്‍ക്കെ­തിരെ എ.ഡി.ജി.പിയുടെ നിര്‍ദേശപ്രകാരം ഫോര്‍ട്ട് പോലീസ് കേസെടുത്തത്. പി­ന്നീട് അന്വേഷണം  ക്രൈംബ്രാഞ്ചിന് കൈമാറുകയായിരുന്നു. കേ­സി­ലുള്‍­പെട്ട അഞ്ചു പോലീസുകാരെയും സസ്‌­പെന്‍ഡ് ചെയ്­തി­ട്ടുണ്ട്.

Keywords: Interest, Blade, Finance, House, Police, Raid, Thiruvananthapuram, Office, Case, Complaint, Kerala