Rahul Mamkoottathil | 'ചിന്തിക്കുന്നവര്ക്ക് ദൃഷ്ടാന്തമുണ്ട്, ഇരട്ടി ശമ്പളവും'; ചിന്താ ജെറോമിനെ പരിഹസിച്ച് കോണ്ഗ്രസ് നേതാവ് രാഹുല് മാങ്കൂട്ടത്തില്
Jan 5, 2023, 18:12 IST
ADVERTISEMENT
തിരുവനന്തപുരം: (www.kvartha.com) സംസ്ഥാന യുവജന കമിഷന് അധ്യക്ഷ ചിന്ത ജെറോമിനെ പരിഹസിച്ച് കോണ്ഗ്രസ് നേതാവ് രാഹുല് മാങ്കൂട്ടത്തില്. ചിന്ത ജെറോമിന്റെ ശമ്പളം വര്ധിപ്പിക്കുകയും മുന്കാല പ്രാബല്യത്തോടെ ശമ്പളക്കുടിശ്ശിക നല്കാനുമുള്ള സര്കാര് തീരുമാനത്തിന് പിന്നാലെയാണ് രാഹുല് പരസ്യമായി പരിഹാസവുമായെത്തിയത്.
ജനിച്ചനാള് മുതല് കൂട്ടാത്തത് യുവജന വഞ്ചനയാണെന്നും സമൂഹമാധ്യമമായ ഫേസ്ബുകിലൂടെ രാഹുല് പരിഹസിച്ചു. യുവജന കമിഷന് കൊണ്ട് യുവജനങ്ങള്ക്കാര്ക്കും ക്ഷേമം ഉണ്ടായില്ലെന്ന ആക്ഷേപത്തിന് അറുതിയായെന്നും അദ്ദേഹം ഫേസ്ബുകിലൂടെ വിമര്ശിച്ചു.
രാഹുല് മാങ്കൂട്ടത്തിലിന്റെ ഫേസ്ബുക് കുറിപ്പ് ഇങ്ങനെ:
യുവജന കമ്മിഷന് കൊണ്ട് യുവജനങ്ങള്ക്കാര്ക്കും ക്ഷേമം ഉണ്ടായില്ല എന്ന ആക്ഷേപത്തിന് അറുതിയായി. ഈ ക്ഷാമ കാലത്തും കമ്മിഷന് ചെയര്പഴ്സന് ചിന്തയുടെ ശമ്പളം ഇരട്ടിയാക്കിയിരിക്കുന്നു, അതും മുന്കാല പ്രാബല്യത്തോടെ. അതായത് നിയമിച്ച നാള് മുതലുള്ളത്. ജനിച്ചനാള് മുതലുള്ളത് കൂട്ടാത്തത് യുവജന വഞ്ചനയാണ്.
ചിന്തിക്കുന്നവര്ക്ക് ദൃഷ്ടാന്തമുണ്ട്, ചിന്തയ്ക്ക് ഇരട്ടി ശമ്പളമുണ്ട്.
Keywords: News,Kerala,State,Top-Headlines,Trending,Criticism,Political party,Politics,party, Congress,Facebook,Facebook Post,Social-Media, Rahul Mamkoottathil criticizes Chintha Jerome regarding salary hike
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
