Arrested | മെഡികല്‍ വിദ്യാര്‍ഥിനി ആത്മഹത്യ ചെയ്‌തെന്ന സംഭവത്തില്‍ പ്രൊഫസര്‍ അറസ്റ്റില്‍

കോളജിലെ ഹോസ്റ്റല്‍ മുറിയിലാണ് സുകൃതയെ മരിച്ച നിലയില്‍ കണ്ടെത്തിയത്. സംഭവത്തില്‍ പ്രൊഫസര്‍ ഉള്‍പെടെ മൂന്ന് പേരുടെ പേര് ആത്മഹത്യാ കുറിപ്പില്‍ രേഖപ്പെടുത്തിയിട്ടുണ്ടായിരുന്നു. കത്തിന്റെ അടിസ്ഥാനത്തില്‍ ആത്മഹത്യാ പ്രേരണക്ക് കേസെടുത്ത് പൊലീസ് അന്വേഷണം ആരംഭിച്ചിരുന്നു.

പ്രൊഫസര്‍ പരമശിവം സുകൃതയെ മാനസികമായി പീഡിപ്പിച്ചതായി തെളിഞ്ഞതോടെയാണ് ഇയാളുടെ അറസ്റ്റ് രേഖപ്പെടുത്തിയതെന്ന് പൊലീസ് പറഞ്ഞു. കോളജിലെ സീനിയര്‍ മെഡികല്‍ വിദ്യാര്‍ഥികളായ പ്രീതി, ഹരീഷ് എന്നിവരുടെ പേരുകളും കത്തില്‍ പരാമര്‍ശിച്ചതിനാല്‍ പ്രൊഫസര്‍ ഉള്‍പെടെ മൂന്ന് പേരെയും അന്വേഷണം പൂര്‍ത്തിയാകുന്നതുവരെ കോളജ് അധികൃതര്‍ സസ്പെന്‍ഡ് ചെയ്തിരുന്നു.

പിന്നാലെയാണ് കഴിഞ്ഞ ദിവസം വൈകിട്ടോടെ കോളജില്‍നിന്ന് പരമശിവത്തെ പൊലീസ് കസ്റ്റഡിയിലെടുത്തത്. തുടര്‍ന്ന് നടത്തിയ ചോദ്യം ചെയ്യലില്‍ പ്രൊഫസര്‍ കുറ്റക്കാരനെന്ന് പൊലീസ് കണ്ടെത്തി. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.