Potholes Count | സംസ്ഥാനത്തെ റോഡുകളിലെ കുഴികളുടെ എണ്ണമെടുക്കാന് പൊലീസിന് നിര്ദേശം
Aug 27, 2022, 16:26 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം: (www.kvartha.com) സംസ്ഥാനത്തെ റോഡുകളിലെ അപകടകരമായ കുഴികളുടെ എണ്ണമെടുക്കാന് പൊലീസിന് നിര്ദേശം. പൊലീസ് ആസ്ഥാനത്തെ നിര്ദേശമനുസരിച്ച് ജില്ലാ പൊലീസ് മേധാവിമാര് റോഡുകളിലെ കുഴികളുടെ എണ്ണമെടുക്കാന് എസ്എച്ഒമാരെ ചുമതലപ്പെടുത്തി. കഴിഞ്ഞ ദിവസമാണ് ഉത്തരവിറങ്ങിയത്.
റോഡിലെ കുഴികളില് വീണ് യാത്രക്കാര് അപകടത്തില് പെടുന്നത് പതിവായതോടെയാണ് നീക്കം. ഏത് വകുപ്പിന്റെ റോഡ് ആണെങ്കിലും കുഴികള് ഉണ്ടാകരുതെന്നാണ് പൊതുമരാമത്ത് മന്ത്രി മുഹമ്മദ് റിയാസ് പ്രതികരിച്ചത്. കേരളം ഉണ്ടായത് മുതല് റോഡുകളില് കുഴിയുണ്ടെന്നും പറഞ്ഞു കയ്യും കെട്ടി നോക്കി നില്ക്കാനാവില്ല. ഡിഎല്പി ബോര്ഡ് പ്രസിദ്ധപ്പെടുത്തിയതോടെ പൊതുമാരാമത്ത് റോഡുകളില് നില മെച്ചപ്പെട്ടുവെന്നും മന്ത്രി പ്രതികരിച്ചു.
ദേശീയപാതയുടെ വലിയൊരു ഉത്തരവാദിത്തവും കേന്ദ്രത്തിനാണ്. ഈ റോഡുകളില് ഇടപെടുന്നതിന് പരിമിതി ഉണ്ട്. സംസ്ഥാനത്തിന് കീഴില് ഉള്ള 548 കി.മീ ദേശീയപാത ആണ്. നെടുമ്പാശ്ശേരിയിലെ അപകടം സംബന്ധിച്ച് പ്രതിപക്ഷ നേതാവിന്റേത് രാഷ്ട്രീയ മര്യാദയ്ക്ക് നിരയ്ക്കാത്ത നിലപാട് ആണ്. വസ്തുതാപരമായാണ് കാര്യങ്ങള് ചൂണ്ടിക്കാട്ടിയത്. പക്ഷേ പ്രതിപക്ഷ നേതാവ് മലക്കം മറിഞ്ഞു. അവാസ്തവ പ്രസ്താവനകള്ക്ക് മറുപടി നല്കാതിരിക്കാനാവില്ലെന്നും മന്ത്രി വ്യക്തമാക്കിയിരുന്നു.
റോഡിലെ കുഴികളില് വീണ് യാത്രക്കാര് അപകടത്തില് പെടുന്നത് പതിവായതോടെ ഈ വിഷയത്തില് ഹൈകോടതിയടക്കം ഇടപെട്ടിരുന്നു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
