എമിഗ്രേഷന്‍ തട്ടിപ്പ്: പോലീസ് ഓഫീസര്‍ക്ക് സസ്‌പെന്‍ഷന്‍

കൊച്ചി: എമിഗ്രേഷന്‍ തട്ടിപ്പിനെത്തുടര്‍ന്ന് പോലീസ് ഓഫീസര്‍ക്ക് സസ്‌പെന്‍ഷന്‍. നെടുമ്പാശേരി വഴിയുള്ള മനുഷ്യക്കടത്ത് കേസില്‍ പ്രതിയായ രാജ്യാന്തര വിമാനത്താവളത്തില്‍ എമിഗ്രേഷന്‍ വിഭാഗം സി­വില്‍പോലീസ് ഓഫീസര്‍ എ.പി. അജീബിനെയാണ് സസ്‌പെന്റു ചെയ്തത്. അജീബ് ഒരു മാസമായി ഒളിവിലാ­ണ്.


മനുഷ്യക്കടത്തിനു പിന്നില്‍ ഡി.വൈ.എസ്.പി. മാരും സര്‍ക്കിള്‍ ഇന്‍സ്‌പെക്ടര്‍മാരും ഉള്‍പ്പെടുന്ന റാക്കറ്റിന്റെ സാന്നിധ്യം പോലീസ് തിരിച്ചറിഞ്ഞിട്ടുണ്ട്. പെരുമ്പാവൂരിലെ ഒരു ബാങ്കിലേയ്ക്കാണ് റാക്കറ്റിനുള്ള കോഴപ്പണം എത്തിയിട്ടുള്ളത്. ഈ തുക നെടുമ്പാശേരി വിമാനത്താവളത്തിനുസമീപത്തെ ഒരു എ ടി എം കൗണ്ടര്‍ വഴിയാണ് അധികവും പിന്‍വലിച്ചിട്ടുള്ളത്.

2011 ജനുവരി മുതല്‍ ജൂണ്‍ വരെയുള്ള കാലയളവില്‍ പ്രതികളാ­യ ഉ­ദ്യോഗസ്ഥരുടെയും അടുത്തബന്ധുക്കളുടെയും ബാ­ങ്ക് അക്കൗണ്ടുകളില്‍ 64 ലക്ഷം രൂപ നിക്ഷേപിച്ചിട്ടുണ്ട്. മനുഷ്യക്കടത്ത് റാക്കറ്റ് കടത്തിയതില്‍ അധികവും മതിയായ യാത്രാരേഖയില്ലാത്ത ക്രിമിനലുകളും യുവതികളുമാണെന്നാണ് സൂ­ചന.

Keywords: Police, Officer, Kochi, Airport, Bank, Month, Depodit, Kvartha, Malayalam Vartha, Malayalam News, Suspension, Kerala, Emigration, Nedumbassery.