മൊബൈല്ഫോണ് മോഷ്ടിച്ചെന്നാരോപിച്ച് അച്ഛനേയും മകളെയും പരസ്യവിചാരണ ചെയ്ത പിങ്ക് പൊലീസ് ഉദ്യോഗസ്ഥക്കെതിരെ കേസെടുക്കണം; റിപോര്ട് തേടി മനുഷ്യാവകാശ കമിഷന്
Sep 1, 2021, 22:19 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
തിരുവനന്തപുരം : (www.kvartha.com 01.09.2021) മൊബൈല്ഫോണ് മോഷ്ടിച്ചെന്നാരോപിച്ച് തന്നെയും മകളെയും പരസ്യവിചാരണ ചെയ്ത പിങ്ക് പൊലീസ് ഉദ്യോഗസ്ഥയുടെ പ്രവൃത്തി പട്ടികജാതി പട്ടികവര്ഗ അതിക്രമം തടയല് നിയമത്തിന്റെ പരിധിയില് വരുന്ന കുറ്റകൃത്യമായതിനാല് കേസ് രജിസ്റ്റര് ചെയ്ത് വകുപ്പുതല നടപടികള് സ്വീകരിക്കണമെന്ന പരാതിക്കാരന്റെ ആവശ്യത്തില് മനുഷ്യാവകാശ കമിഷന് സംസ്ഥാന പൊലീസ് മേധാവിയില് നിന്നും റിപോര്ട് തേടി.
നാലാഴ്ചയ്ക്കകം റിപോര്ട് സമര്പിക്കണമെന്നാണ് കമിഷന് അധ്യക്ഷന് ജസ്റ്റിസ് ആന്റണി ഡൊമിനിക്ക് ആവശ്യപ്പെട്ടത്. പരസ്യവിചാരണക്ക് ഇരയായ ജി ജയചന്ദ്രന് സമര്പിച്ച പരാതിയിലാണ് നടപടി. എട്ടുവയസ്സുള്ള മകളെയും തന്നെയും പൊലീസ് ഉദ്യോഗസ്ഥ പൊതുസ്ഥലത്ത് പരസ്യമായി മോഷ്ടാക്കളാക്കി മുദ്രകുത്തി അപമാനിച്ചതായി പരാതിയില് പറയുന്നു.
മകളെ കേസില് ഉള്പെടുത്തുമെന്നും പൊലീസ് സ്റ്റേഷനില് കൊണ്ടുപോകുമെന്നും ഭീഷണിപ്പെടുത്തി. താനും മകളും പട്ടികജാതി വിഭാഗത്തില് ഉള്പെടുന്നവരാണെന്ന് നിറത്തിലും രൂപത്തിലും ബോധ്യപ്പെട്ടതു കൊണ്ടാണ് എതിര്കക്ഷി തന്നോട് ഇത്തരത്തില് പെരുമാറിയതെന്ന് പരാതിയില് പറയുന്നു. എതിര്കക്ഷിയില് നിന്നും ആവശ്യമായ നഷ്ടപരിഹാരം ഈടാക്കി നല്കണമെന്നും പരാതിക്കാരന് ആവശ്യപ്പെട്ടു.
Keywords: Pink police officer should be prosecuted; Human Rights Commission seeks report, Thiruvananthapuram, News, Police, Inquiry Report, Complaint, Allegation, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
