പുഴക്കാടിനെ കണ്ണീരിലാഴ്ത്തി കടൽക്ഷോഭം: എബ്രഹാമിനായി തിരച്ചിൽ ഊർജ്ജിതമാക്കി

കണ്ണൂർ: (KVARTHA) പയ്യന്നൂർ പാലക്കോട് കടൽക്ഷോഭത്തിൽപ്പെട്ട് വള്ളം മറിഞ്ഞ് കാണാതായ മത്സ്യത്തൊഴിലാളിക്കായുള്ള തിരച്ചിൽ ഊർജ്ജിതമാക്കി. വെള്ളിയാഴ്ച രാത്രി 11 മണിയോടെയാണ് ചെറുവള്ളത്തിൽ മത്സ്യബന്ധനത്തിന് പോയ രണ്ടുപേരിൽ ഒരാളെ കാണാതായത്. 

ശക്തമായ കാറ്റിൽ വള്ളം മറിഞ്ഞതിനെത്തുടർന്ന് പുഞ്ചക്കാട് പടിഞ്ഞാറ്റെയിൽ വീട്ടിൽ എബ്രഹാമിനെ (45) യാണ് കാണാതായത്. ഇദ്ദേഹത്തോടൊപ്പം ഉണ്ടായിരുന്ന പുഞ്ചക്കാട് എരമംഗലം വീട്ടിൽ വർഗീസ് (40) അത്ഭുതകരമായി രക്ഷപ്പെട്ടു.

കാണാതായ എബ്രഹാമിനായുള്ള തിരച്ചിൽ പ്രവർത്തനങ്ങൾക്ക് അഴീക്കൽ കോസ്റ്റൽ പോലീസും, മറൈൻ എൻഫോഴ്‌സ്‌മെന്റും, ഫയർഫോഴ്‌സും നേതൃത്വം നൽകുന്നുണ്ട്. 

കൂടാതെ, പയ്യന്നൂർ, പുഞ്ചക്കാട്, ഏഴിമല എന്നിവിടങ്ങളിലെ മത്സ്യത്തൊഴിലാളികളും രക്ഷാപ്രവർത്തനത്തിൽ സജീവമായി പങ്കെടുക്കുന്നുണ്ട്. ടി.ഐ. മധുസൂദനൻ എം.എൽ.എയുടെ നേതൃത്വത്തിലുള്ള ജനപ്രതിനിധി സംഘം സ്ഥലത്തെത്തി രക്ഷാപ്രവർത്തനങ്ങൾ വിലയിരുത്തി.

ഈ  വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Search intensified for missing fisherman Abraham after boat capsizes in Payyanur sea.

 #SeaErosion #FishermanMissing #Kannur #Payyanur #RescueOperations #KeralaCoast